Pơma pơtôch đơ̆ng rŏng dăr lăng, Thiếu tướng Trần Minh Trọng hôn bơnê kơtang Khul kơdră chĕp pơgơ̆r Ƀô̆ đô̆i dêh char Dak Lăk hlôi jang ‘lơ̆ng bơ̆ jang hơmet ăn, pơjing đei hla bơar tơchơ̆t, iung jang hơdoi kơjăp hăm rim hơnih bơ̆ jang ƀơm truh, tơlĕch jang ‘lơ̆ng tơdrong jang vei lăng sơđơ̆ng dơ̆ng kơjăp; dôm tơdrong pơgơ̆r lơ̆m pơm lêh păng dôm tơdrong pơgơ̆r ƀơm truh. Adoi pơma hơdăh, ‘nou jĭ tơdrong gĭt kăl hloh, tơƀôh hơdăh “nơ̆r Đảng, jơhngơ̆m đon kon pơlei”, sơkơ̆t hơdăh tơdrong lăng ba đơ̆ng Đảng, Teh đak, Quân ủy Trung ương, Hơnih tơm Ƀô̆ đô̆i hăm tơring groi teh gĭt kăl Tây Nguyên păng kon pơlei, ƀô̆ đô̆i tơ̆ tơring sơlam teh đak.