Hơnih Vei lăng tơgŭm tơpôl păng Hơioh dêh char Đắk Lắk dang ei vei lăng 351 ‘nu, ‘noh đei hơioh mơti, bơngai kră jo jăn păng bơngai kơ̆l ‘ngok ưh kơ ‘lơ̆ng ưh kơ đei hơnih oei sa.

‘Măng Tết Bính Ngọ sơnăm ‘nâu, hơdai hăm tơdrong hơmet ăn tôm bơ̆n phe, tơmam sa ăn kơ dôm bơngai sa Têt tơ̆ hơnih rong ‘me âu, pơđĭ 351 ‘nu tă kơ đei iŏk lì xì 500 rơngâu hlak jên 1 ‘nu; 27 ‘nu hơioh mơmat tat ‘ngoăih kơ tơpôl đei asong gre tang vang vă jê̆ 1 triê̆u hlak jên 1 tong păng tơmam Têt.