Đơ̆ng rŏng 18 năr hăm tơdrong tơgŭm hơdrin đơ̆ng rim khŭl lĭnh, truh dang ei hnam lơ̆m “tơdrong jang Quang Trung” đĭ pơm đang păng pơjao ăn kơ yă Nguyễn Thị Sáng (plei Phú Thành, phường Hàm Thắng). Tơ̆ lêh et hơtŏk, tang măt Khŭl pơgơ̆r jang hlôi pơjao kơƀang et hơtŏk hnam oei ăn kơ yă Sáng, hơdai hăm ‘noh, lơ anih jang asong dơ̆ng tơmam yua lơ̆m ŭnh hnam.

Dêh char Lâm Đồng jĭ 1 lơ̆m dôm tơring pŭ ƀơm ưh kơ ‘lơ̆ng tôch kơ dêh yua đơ̆ng ‘mi tih ưh kơ ê, hlôi pơm ăn hiong răm găh mŭk tơmam, lơ ŭnh hnam hiong hnam oei, tơdrong hơrih sa đei tơsŭl tơsăl. Hăm tơdrong pơgơ̆r đơ̆ng Kơdră tơm vei lăng Kŏng an, khŭl lĭnh kŏng an hlôi tơtĕnh tơlĕch jang bơngai jang, jang hơdai hăm tơring tơgŭm kon pơlei hơmet pơ ‘lơ̆ng hiong răm. Tơ̆ hơnăp kơnh,  kŏng an dêh char gô hơnơ̆ng akŏm hơvơn khŭl jang vă jang đang hrĕnh dôm hnam lơ̆m tơring, hơdrin jang đang hơdrol kơ ‘năr 15/1.