Kiơ̆ Todrong tơchơ̆t, tơmam pôk ăn lơ̆m jơ ‘năr Têt sơnăm ou đei klăh asong jing ƀar tơnô̆ ‘noh 600.000 hlak jên hăm 300.000 hlak jên. Mă hơdăh, hăm kon jên tơgŭm ăn 600.000 hlak jên lơ̆m mĭnh tơnô̆ ‘măn ăn đe Yă Mĕ Việt Nam nuih mơng; Bơngai Ƀô̆ đô̆i nuih mơng pran kơtang păng Bơngai jang nuih mơng pran kơtang lơ̆m chăl tơblăh sơ̆; Ƀô̆ đô̆i rơka, bơngai đei iŏk yoa sa hơpăh lei lăi hăm ƀô̆ đô̆i rơka păng jĭ jăn, rơka lơ̆m hơkou jăn đơ̆ng 81% năm tơ̆ kơtang; ŭnh hnam kơ 2 ‘nu ƀô̆ đô̆i lôch dŏng teh đak năm tơ̆ lơ. Găh kon jên tơgŭm djru 300.000 hlak jên ‘măn ăn dôm bơngai đei iŏk yoa teh đak uơ oei. Kiơ̆ tơchĕng hơlen, akŏp măt bơngai đei pôk ăn tơmam drăm lơ̆m jơ ‘năr Têt Nguyên đán Bính Ngọ 2026 ‘noh hloh 1.650.000 ‘nu. Akŏp kon jên hloh 500 ti hlak jên.