VOV4.Bahnar - ‘Năr brei (16/9), tơ̆ Hà Nội, Kơdră Anih jang Trung ương MTTQ Việt Nam Đỗ Văn Chiến hlôi sơng iŏk tơgŭm đơ̆ng dôm anih jang, anih mơdro sa, khŭl jang, kơdih tơ̆ lơ̆m păng ‘ngoăih teh đak tơgŭm kon pơlei đei hiong răm yua đơ̆ng ‘mi kial hơbŭt kơsô̆ 3 pơrăm.

VOV4.Bahnar - Lơ̆m jơ năr trung thu, hơioh Đắk Lắk đei dôm tơdrong jang hơdăh vang tơgŭm, lăng găh đe buăl ‘lơ̆p tơ̆ tơring ‘mi kial hơbŭt pơrăm.

VOV4.Bahnar - Giĕng ou ki, tơ̆ dêh char Thái Nguyên, Kơdră chĕp pơgơ̆r Kuô̆k hô̆i Trần Thanh Mẫn hlôi năm ngôi pôk tơmam drăm ăn kon pơlei tơ̆ tơring Nga My, apŭng Phú Bình păng bơ̆ jang hăm kơdră chĕp pơgơ̆r Đảng dêh char Thái Nguyên găh bơ̆ jang chĕp pơgơ̆r, pơrô̆ iung jang tơjră tang găn păng hơmet pơ ‘lơ̆ng đơ̆ng kial hơbŭt kơsô̆ 3 pơm ăn. Ƀlep lơ̆m jơ ‘năr ou, Kơdră chĕp pơgơ̆r Kuôk hô̆i Trần Thanh Mẫn hlôi pôk ăn 30 ti hlak jên đơ̆ng Hơnih bơ̆ jang tơgŭm dŏng Trung ương ăn dêh char Thái Nguyên vă tơgŭm hơmet pơ ‘lơ̆ng đơ̆ng kial hơbŭt kơsô̆ 3 pơrăm tơ̆ dêh char ou.

VOV4.Bahnar – Pơgê brei (12/09), ƀlep ƀât sơng tết Trung thu 2024, Phŏ Kơdră teh đak Võ Thị Ánh Xuân năm ngôi, hơpăh tơmam ăn đe hơioh jĭ jăn oei hơmet tơ̆ Hnam pơgang Pham-Truyên pham Trung ương.  

VOV4.Bahnar – Pơgê brei (12/9), tơ̆ Hnam Quốc hội, adrol kơ pơgơ̆r Hop akŏm mă 37 kơ Anih chĕp kơ̆l pơgơ̆r Quốc hội, Anih pơvih ăn Quốc hội pơm lêh tơra tơgop, tơgŭm ăn kon pơlei hơmet pơ ‘lơ̆ng hiong răm đơ̆ng ‘mi kial kơsô̆ 3.

VOV4.Bahnar – Pơgê ‘năr brei (12-9) Tĭnh uy Đak Lăk pơgơ̆r Hop akŏm sơkơ̆t 20 sơnăm pơm kiơ̆ tơdrong tơguăt pơm ‘nhŏng oh đơ̆ng dôm anih jang teh đak, anih jang mŭk drăm hăm dôm pơlei pơla kon kông lơ̆m dêh char jăl sơnăm 2014-2024.

VOV4.Bahnar - Kơsơ̆ brei (11/9), tơ̆ pơlei tơm Kon Tum, Khŭl chĕp kơ̆l pơgơ̆r Anih jang Đoàn dêh char Kon Tum tơlĕch jang ‘măng tơgop tơgŭm kon pơlei dôm dêh char găh Tu hơmet pơ ‘lơ̆ng hiong răm đơ̆ng ‘mi kial hơbŭt kơ sô̆ 3.

VOV4.Bahnar - Phŏ Kơdră chĕp kơ̆l VOV ƀok Vũ Hải Quang năm ngôi păng pơtruh nơ̆r sơ ‘ngon hăm unh hnam linh công an lôch tang ƀât oei bơ̆ jang tang găn ‘mi kial Yagi tơ̆ Quảng Ninh.

VOV4.Bahnar - Dôm năr âu ki, lơ anih jang, khul grŭp jang tơgŭm lơ̆m păng ‘ngoăih kơ dêh char Đắk Lắk pơgơ̆r lơ tơdrong jang tôch đei yoa, chă hơmet têt Trung thu ăn đe hơioh, mă loi jĭ đe hơioh tơnuh, đei tơdrong arih xa pơmat tat, hơioh tơ̆ tơring hơtăih yăih. Pơyan trung thu sơnăm ‘nâu oei truh hăm rim hơioh tơ̆ pơlei pơla hăm ƀĕnh tơdrong chơt hơiă păng jơhngâm đon ‘mêm kơ eng.

VOV4.Bahnar - Ƀlep lơ̆m jơ ‘năr pơgơ̆r pơm lêh mơ̆t hŏk sơnăm hŏkc 2024 -  2025, Kơdră chĕp pơgơ̆r Kuô̆k hô̆i Trần Thanh Mẫn hlôi vang năm Pơm lêh mơ̆t hŏk blŭng sơnăm kơ đe ƀok thây kô păng hŏk tro Hnam trương Jăl pêng Phạm Hùng tơ̆ thĭ trân Long Hồ, apŭng Long Hồ, dêh char Vĩnh Long - năm ngôi hăm hnam trương đei krao hơnăn Kơdră chĕp pơgơ̆r Jơnŭm Khul kơdră chĕp pơgơ̆r Teh đak. Iung pơma tơ̆ ou, Kơdră chĕp pơgơ̆r Kuô̆k hô̆i Trần Thanh Mẫn  pơma hơdăh, Đảng păng Teh đak ling lang sơkơ̆t hơdăh pơtho pơhrăm ‘noh tơdrong jang tơm kơ teh đak, tơmơ̆t jên jang ăn pơtho pơhrăm ‘noh tơmơ̆t jên jang atŏk tơ iung, ‘măn ăn dôm tơdrong ‘lơ̆ng liĕm hloh vă vei lăng năng tông ăn tơdrong jang pơtho pơhrăm.