VOV4.Bahnar - Hơnơ̆ng pơgơ̆r ‘măng hop akŏm mă 9, giĕng ou ki, Kuô̆k hô̆i pơma dơnuh găh Tơdrong jang hơmet ming hơnih jang kơ dêh char sơnăm 2025. Rim kơdră tang măt sơkơ̆t hơdăh, hơgrop dih char ‘noh tơdrong tơchơ̆t tôch gĭt kăl, pơih trong ăn atŏk tơ iung ‘nao. Mă lei, vă rim tơring iung jang kiơ̆ jơnei dôm tơdrong đei, bơ̆ jang ‘lơ̆ng, jơnei đơ̆ng rŏng hơgrop, kăl đei trong tơlĕch jang trŏ ƀlep, tôm tong, mă kăl bơ̆ jang kang ƀô̆ păng xek tơlang mŭk drăm rơkăh đơ̆ng rŏng hơgrop.

VOV4.Bahnar - Bơ̆ jang kiơ̆ khei jang yoa đe hơioh sơnăm 2025, kơsơ̆ 10/6, Công an dêh char Gia Lai pơgơ̆r tơƀâp 28 ‘nu mon ‘nŏh jĭ “kon rong” kơ khul linh.

VOV4.Bahnar - Thủ tướng Phạm Minh Chính ‘nao kĭ Hla ar gơih kơ khŭl kơdră chĕp kơ̆l dôm anih tơm, anih jang păng dôm dêh char, pơlei tơm găh trung ương, athei akŏm jang đang tơdrong hơgăt sŭt pơđĭ hnam pơgia, hnam hiah hiok lơ̆m teh đak hơdrol kơ ‘năr 31/8/2025.

VOV4.Bahnar - Tơ̆ dêh char Gia Lai, đơ̆ng blŭng sơnăm ou sơnăm ou, tơdrong jang xut xa hnam pơgia, hnam hnăt hnot hlôi tĕnh koăng tơlĕch jang jơ̆p lơ̆m dêh char hăm trong chĕp pơgơ̆r kơtang đơ̆ng khul kơdră chĕp pơgơ̆r đảng, kơdră chĕp pơgơ̆r tơring. Đơ̆ng rŏng 6 khei, lơ̆m dêh char hlôi ming man đei 7.631 pơbung hnam, jơnei 93,57% pơtêng hăm trong tơlĕch jang. Hlôi đei 5.244 pơbŭng hnam đĭ ming man keh đang păng pơjao iŏk yoa. Tơdrong chĕp pơgơ̆r đơ̆ng rim kơdră chĕp pơgơ̆r đảng, hơnih jang Đảng păng tơdrong pơm jŭk yŭk trong hơlou đơ̆ng khul kang ƀô̆, đang viên hlôi jơhngơm pran ăn jang ‘lơ̆ng tơdrong jang ou.

VOV4.Bahnar - Truh dang ei, dêh char Kon Tum hlôi pơjao dang 2.000 tŏ hnam ‘nao ăn kơ kon pơlei, tơgop tơgŭm rơbâu ŭnh hnam klăih đơ̆ng tơdrong oei hnam pơgia, hnam hăih hiok.

VOV4.Bahnar -  Giĕng ou ki, Hơnih bơ̆ jang khul kơdră chĕp pơgơ̆r Kuô̆k hô̆i hlôi pơgơ̆r hop akŏm mă 46, ăn tơgop nơ̆r găh mĭnh ƀar trong vă pơjing Khôi luơ̆t, lơ̆m ou đei Khôi luơ̆t Khul kơdră chĕp pơgơ̆r tơring (hơmet ming); Khôi luơ̆t Kang ƀô̆ (hơmet ming) păng mĭnh ƀar tơdrong kăl anai. Lơ̆m ou, mĭnh lơ̆m dôm tơdrong đei bơngai tăh hla lăng truh, ‘noh trong vă pơjing Khôi luơ̆t Khul kơdră chĕp pơgơ̆r tơring (hơmet ming), vă lăng truh pơjao tơdrong jang, gơh jang ăn khul kơdră tơring tôm tong.

VOV4.Bahnar – Pơyan he sơnăm 2025 tơ̆ Gia Lai, rim anih jang kơpal tơrĕk kăp gĭt truh tơdrong hơvơn hăm tơmam drăm păng đon bơnôh hloi hăm dôm hŏk tro hin dơnuh, hŏk tro kon kông vă đe oh pơtoi hơyak kơjăp kiơ̆ jăl trong hŏk pơhrăm.

VOV4.Bahnar - Kơsơ̆ 2/6, Thủ tướng Phạm Minh Chính pơgơ̆r Hop akŏm tơlĕch Tơdrong tơchơ̆t 201 kơ Quốc hội găh pơlong lăng trong jang tơgŭm hơtŏk tơiung hnam oei tơpôl.

VOV4.Bahnar - Tơ̆ hop akŏm mă 9, Kuô̆k hô̆i jăl XV, rim kơdră tang măt pơma dơnuh tơ̆ Khul găh Trong vă pơjing Tơdrong tơchơ̆t kơ Kuô̆k hô̆i găh Trong jang tơgŭm hŏk đĕch, tơgŭm jên hŏk pơhrăm ăn đe hơ ioh mâm non, hŏk tro phô thông, bơngai hŏk tơdrong hŏk pơhrăm phô thông tơ̆ rim hnam trương pơtho pơhrăm tơ̆ teh đak bơ̆n. Lơ kơdră tang măt sơkơ̆t hơdăh, ‘nou jing trong jang tơgŭm ăn tơbăt hơdăh tơdrong ‘mêm kơ eng dih băl đơ̆ng chăl chĕp pơgơ̆r, sơđơ̆ng hơtŏ hơnơ̆ng lơ̆m chă hŏk pơhrăm. Mă lei, kăl hơlen mă brĕ tơdrong kĕ kla ăn kon jên jang kơ rim tơring, mă kăl hăm tơring tơnap tap mưh tơlĕch jang kiơ̆ tơdrong Tơchơ̆t ou.

VOV4.Bahnar – Kơsơ̆ năr 30/5, Kơdră Anih jang Trung ương MTTQ Việt Nam Đỗ Văn Chiến chĕp kơ̆l khul kơpal năm jang truh apŭng Chư Păh, dêh char Gia Lai pơm jang dôm tơdrong jang tơgŭm kon pơlei.