VOV4.Bahnar - Giĕng au ki, kơ yuơ Kơdră chĕp pơgơ̆r Kuô̆k hô̆i Vương Đình Huệ pơm tơm, Hơnih bơ̆ jang Kuô̆k hô̆i hlôi pơgơ̆r ‘Măng hop akŏm mă 29. Tơ̆ hop akŏm au, Hơnih bơ̆ jang Kuôk hô̆i ăn tơgop nơ̆r lơ̆m lơ tơdrong kăl, lơ̆m au đei bơ̆ jang hơmet ăn ‘Măng hop akŏm hăt hot ‘măng mă 5, ăn tơgop nơ̆r găh trong vă pơjing Khôi luơ̆t Groi teh (hơmet ming), ăn tơgop nơ̆r găh trong vă pơjing Khôi luơ̆t Rim hơnih jang mong jên ăn tŏk iŏk (hơmet ming), ăn tơgop nơ̆r găh trong vă pơjing Tơdrong tơchơ̆t găh mĭnh ƀar trong jang kăl vă hơmet pơ ‘lơ̆ng tơnap tap, tơlăk tơhlĭn, hơtŏk kơtang iung jang kiơ̆ rim Tơdrong jang tơm Teh đak.

VOV4.Bahnar – Tam mă truh 4 giĕng dơ̆ng noh truh Têt Nguyên đan Giáp Thìn. Khei năr âu ki, Ƀan ƀĭ thư, Jơnŭm pơgơ̆r teh đak kŭm hăm Thủ tướng teh đak adoi đei dôm hla bar pơgơ̆r jang vei sơđơ̆ng tơdrong hơrih kon pơlei gơh sơng Puih mak sô̆ hơ-iă, tơnŏ. Rim anih jang tơm, anih jang đei tơrĕk, rim tơring adoi tơlĕch lơ tơdrong jang tơgŭm têt ăn bơngai hin dơnuh, bơngai kue lơ̆m tơpôl păng bơngai tơgŭm jơhngơ̆m ăn teh đak.

VOV4.Bahnar -  Thiếu tá Ƀô̆ đô̆i Lê Thị Minh Thủy (Khul chă pơtŏ hơgăt tơring sơlam đak dơsĭ păng chă tơchĕng hơlen đak dơsĭ găh Hơnih tơm Ƀô̆ đô̆i Đak dơsĭ) hlôi atŭm hăm khul hlôi chih hơmet hla kak kơsô̆ đak dơsĭ; pơjing hơnih chih răk dôm tơdrong găh đak dơsĭ păng pơjing hla kak klŏng đak dơsĭ… Dôm tơdrong jang ưh khan lăp kăl đei hơlen tôch brĕ, trŏ ƀlep mă lei hơnăp jang tôch kăl, tơgop lơ̆m tơdrong jang vei lăng pơm tơ-‘ngla đak dơsĭ, achon đak dơsĭ kơ Teh đak.

VOV4.Bahnar- Kơhrĕng tơpu tơmam hlôi đei pơjao ăn kơ dôm ŭnh hnam kon pơlei đei tơdrong arih sa mơmat tat lơ̆m apŭng Cư Kuin găh tơdrong jang Jơnŭm kơchơ Têt ‘mêm mơnat sơnăm 2024 yua đơ̆ng Jơnŭm ‘long pơglang ƀrê dêh char Dak Lak bơ̆jang.

VOV4.Bahnar – Anih jang vei lăng kon pơlei dêh char Đăk Lăk ‘nao tơlĕch Tơchơ̆t asong jên năm hơpong păng asong tơmam ăn dôm anih jang, bơngai jang lơ̆m Têt Nguyên Đan Giáp Thìn sơnăm 2024.

VOV4.Bahnar - Kŭm hăm dôm tơdrong tơgŭm, tơdrong jang tơjur tơnuh hin đơ̆ng Đảng, teh đak, dêh char Gia Lai hlôi krao hơvơn đĭ đăng anih jang chinh trĭ vang tơlĕch jang lơ trong mă lăp hăm yăn âu tơ̆ rim tơring, tơgŭm ăn unh hnam tơnuh hơtŏk tơdrong jang xa, đei iŏk yoa kơjăp, pơm hơtŏk tơdrong arih xa, gơnơm thoi nŏh kơsô̆ unh hnam tơnuh dar dĕh jur kiơ̆ sơnăm. Hơdrô̆ sơnăm 2023, lơ̆m dêh char đei hlŏh 9000 unh hnam klăih đơ̆ng tơnuh hin, lơ̆m nŏh đei hlŏh 8000 unh hnam bơngai kon kông, pơm ăn tơdrong jang tơjur tơnuh hin tơ̆ dêh char jang đei lơ hlŏh kơsô̆ hơgăt đei tơlĕch. 

VOV4.Bahnar - Tơ̆ hop akŏm Khul sinh viên Việt Nam ‘măng mă XI ‘nao pơgơ̆r khei 12 sơnăm 2023 âu ki, lơ bơngai tang măt tơƀôh hơdăh đon hơpơi ‘mĕh, đon adrin đơ̆ng sinh viên Việt Nam lơ̆m tơdrong pơjing păng vei lăng teh đak. Hơpơi ‘mĕh tơlĕch đei lơ tơdrong pơchĕh rơgei vă pơjing Trung ương Khul pran kơjăp.

VOV4.Bahnar -  Gơnơm lăng kơjăp bơ̆ jang pơjing khul vă tơmơ̆t jang đảng, atŏk ‘lơ̆ng đảng viên ‘nao bơngai kon kông tơ̆ apŭng Lăk, dêh char Đăk Lăk roi năr roi ‘lơng hơ iă. Tơdrong mă au ưh khan lăp tơgop hơmet pơ ‘lơ̆ng khul jang chinh trĭ tơ̆ tơring, hơtŏk tơdrong chĕp pơgơ̆r, jơhngơ̆m iung tơjră đơ̆ng khul Đảng păng đảng viên mă lei oei pơm hơtŏk ăn tơdrong atŏk tơ iung mŭk drăm-tơpôl, hơtok hơrih sa ‘lơ̆ng hơ iă ăn kon pơlei.

VOV4.Bahnar - Kiơ̆ trong jang tơdra hơdrol ‘Măng hop akŏm hăt hot mă 5, Kuô̆k hô̆i lăng hơlen pơdrơng kiơ̆ Tơdrong vă pơjing Khôi luơ̆t Groi teh (hơmet ming). Mă lei, Hơnih bơ̆ jang Mŭk drăm kơ Kuô̆k hô̆i akhan: trong bơ̆ jang tôch kơ lơ, khei ‘năr kơ đeh dơ̆ng, tơdrong pơtruh ăn Kuô̆k hô̆i pơdrơ̆ng kiơ̆ ‘noh jĭ tơdrong long tôch kơtang. Kơdră chĕp pơgơ̆r Kuô̆k hô̆i Vương Đình Huệ ‘noh pơma hơdăh: Ư̆h kơ gơ̆h pơđunh dơ̆ng jơ ‘năr pơdrơ̆ng kiơ̆ Khôi luơ̆t Groi teh (hơmet ming).

VOV4.Bahnar - Hăm tơdrong tơm hơnơ̆ng tơplih ‘nao, sơnăm 2023, tơdrong jang dăr lăng đơ̆ng Quốc hội đei tơlĕch jang hrơ̆ch ‘lơ̆ng, tôm tơdrong, Quốc hội hlôi iŏk yoa rim trong jang dăr lăng kăl hlŏh đơ̆ng Quốc hội đei luơ̆t hơgăt nhen: Hơlen năng hla ar chih tơroi đơ̆ng dôm anih jang kơ teh đak; apinh jet păng tơl nơ̆r apinh jet; hơlen năng kiơ̆ tơdrong jang; iok kơphĭu lui dăh mă ưh… tơiung đei jơhngâm đon jang tơnăp, tơgop pơm tơplih ‘lơ̆ng rim tơdrong găh đon hlôh vao, đon tơnăp đơ̆ng rim anih jang kơpal păng tơdrong đei dăr lăng. Năr ‘nâu, Tơbăt 78 sơnăm năr Pôk rơih Quốc hội mă blŭng (6/1), đei ƀai chih tơroi truh tơdrong jang dăr lăng sơnăm 2023 đơ̆ng Quốc hội.