VOV4.Bahnar - Ƀlep lơ̆m năr tơbăt 77 sơnăm Năr Bơngai rơka-Lôch dŏng teh đak (27/7), rim hnam pơgang, hnam pơgang ƀô̆ đô̆i kon pơlei găh Binh đoàn 15 vang iung jang năm khăm jĭ, ƀơk pơgang ăn dôm bơngai đei iŏk yua ăn teh đak, ŭnh hnam đei iok yua ăn teh đak păng rim ŭnh hnam dơnuh oei tơ̆ tơring sơlam teh đak rim dêh char Gia Lai păng Kon Tum.

VOV4.Bahnar - Pơgê năr 24/7, Kơ iĕng Kơdră chĕp pơgơ̆r Kuô̆k hô̆i Nguyễn Đức Hải hăm Khul bơ̆ jang Trung ương hlôi pôk ăn 50 tơnô̆ tơmam drăm ăn rim ŭnh hnam rơka, lôch dŏng teh đak tơ̆ Lai Châu ƀlep lơ̆m năr tơbăt 77 sơnăm năr bơngai rơka, lôch dŏng teh đak.

VOV4.Bahnar - Ƀlep ƀât tơbăt 77 sơnăm Năr linh jĭ rơka – Linh lôch tang teh đak (27/7), dêh char Đắk Lắk ‘măn hlŏh 11 ti hlak jên păng pơjing 6 khul năm ngôi, pơma nuh, hơpăh tơmam ăn bơngai đei kŏng bơ̆ jang rơgei.

VOV4.Bahnar - Pơgê 23/7, Thủ tướng Phạm Minh Chính vang truh Hop akŏm tơƀôh jơhngơ̆m đon ‘mêm bơnê kơ bơngai đei kŏng hăm kach mạng sơnăm 2024 păng tơƀôh Hơnih mong gen (ADN) lĭnh lôch dŏng teh đak tam mă hơdăh hơnăn păng ŭnh hnam lĭnh lôch dŏng teh đak.

VOV4.Bahnar - . Ƀlep lơ̆m tơbăt 77 sơnăm năr Bơngai rơka-lôch dŏng teh đak (27/07/1947-27/07/2024), kơsơ̆ ou, tơ̆ Hơnih hơnơ̆m Kơdră chĕp pơgơ̆r teh đak, Kơdră chĕp pơgơ̆r Teh đak Tô Lâm tơƀơ̆p muh măt Khul bơngai tang măt ăn dôm bơngai đei iŏk yua ăn kĕch mang jang ‘lơ̆ng lơm teh đak; rim Yă Mĕ Việt Nam nuih mơng, Ƀô̆ đô̆i nuih mơng, Bơngai jang gơ̆h hơgei păng ŭnh hnam bơngai lôch dŏng teh đak.

VOV4.Bahnar - Hăm 80 sơnăm hơrih, vă jê̆ 57 sơnăm mơ̆t Đảng, 14 sơnăm pơm Tổng Bí thư, hloh 2 sơnăm pơm kơdră teh đak, hloh 5 sơnăm pơm Kơdră Quốc hội, ƀok Nguyễn Phú Trọng ling lang tơchĕng, đĭ jơhngơ̆m hăm tơdrong jang kach mang kơ Đảng păng hơdrĕch hơdrŭng, kŭm hăm Trung ương Đảng, Khŭl kơdră teh đak chĕp kơ̆l đĭ đăng Đảng, đĭ đăng kon pơlei, đĭ đăng lĭnh bơ̆n iŏk đei lơ jơnei tih tên đei tơdrong ‘lơ̆ng jơhnơr arih. Oei hơrih, Tổng Bí thư Nguyễn Phú Trọng hlôi đei lơ nơ̆r pơma hơiă, pơ ‘lơ̆ng mă lei mơ̆t lơ̆m jơhngơ̆m. Dôm nơ̆r pơma đơ̆ng ƀok hlôi mơ̆t lơ̆m jơhngơ̆m kon pơlei, đei Kon pơlei lui ‘mêm păng kŏp yom.

VOV4.Bahnar - Đơ̆ng jên tơgŭm đơ̆ng tơdrong jang tơm kơ teh đak găh atŏk tơiung mŭk drăm, tơpôl tơ̆ tơring kon kông păng groi kông đơ̆ng I (2021–2025), anih pơyoa ăn tơdrong jŏh ayŏ kơ dŏ xoang păng dôm tơdrong et soi ngôi pơchơt tơ̆ dêh char groi kông Lai Châu dar dĕh đei tơmât jên pơjing, tơiung ming. Gơnơm đei jên tơgŭm păng lơ tơdrong jang đei yoa, đon hlôh vao đơ̆ng kon pơlei găh chĕp vei păng tưk tơiung dômn kơjă kăp gĭt đơ̆ng jŏh ayŏ kơ dŏ xoang kon kông roi tŏk, pơjing jơhngâm pran lơ̆m tơdrong jang atŏk tơiung mŭk drăm, tơpôl, sut pơđĭ pơngot tơjur tơnuh hin kơjăp ‘lơ̆ng tơ̆ tơring. 

VOV4.Bahnar - Ƀlep lơ̆m năr Tơbăt 74 sơnăm Năr joăt joe Hơdruh tơdăm năm jang Việt Nam (15/7), ou ki tơ̆ Hơnih hơnơ̆m Kơdră chĕp pơgơ̆r Teh đak, Kơdră chĕp pơgơ̆r teh đak Tô Lâm hlôi tơƀơ̆p muh măt khul tang măt Hơdruh tơdăm năm iung jang Việt Nam sơ̆ ƀlep lơ̆m jơ ‘năr vang năm Hop akoưm kang ƀô̆ lơ̆m teh đak Khul Hơdruh tơdăm Việt Nam năm iung jang sơ̆.  

VOV4.Bahnar - Đơ̆ng rŏng 10 sơnăm jang kiơ̆ tơdrong Tơchơ̆t đơ̆ng Ban Bí thư “Găh hơtŏk loi dơ̆ng tơdrong chĕp kơ̆l đơ̆ng Đảng hăm asong tŏk iŏk jên tơgŭm tơpôl”, kơ hrĕng rơbâu ‘nu bơngai mơmat tat tơ̆ dêh char Gia Lai hlôi đei tơgŭm yak tŏk klăih đơ̆ng dơnuh hin.

VOV4.Bahnar - Hơnơ̆ng tơlĕch jang Tơdrong jang 1371 đơ̆ng Thủ tưởng teh đak jăl jang 2021 - 2027, tơ̆ xăh hơtăih hơtŏ Krông Jing, apŭng M’Đrắk, dêh char Đắk Lắk, Anih tơm pơgơ̆r khŭl lĭnh dêh char pơgơ̆r “Tơroi tơbăt khôi luơ̆t sơnăm 2024, pơgơ̆r joh hơri hơsoang - tơplŏng kơdâu păng dôm tơdrong jang tơgŭm vei sơđơ̆ng tơdrong arih sa tơpôl”.