VOV4.Bahnar - Đơ̆ng ‘năr 5-10/12, tơ̆ dêh char Khammouan, tơring tŏk bŏk teh đak Lào, Khŭl tơbôl Việt Nam-Lào pơlei tơm Hồ Chí Minh jang hơdai hăm Hnam trưng Đại học Y khoa Phạm Ngọc Thạch păng Anih jang găh Bơngai Việt Nam oei tơ̆ teh đak đe pơlei tơm Hồ Chí Minh pơgơ̆r tơdrong jang khăm jĭ, asong pơgang păng asong tơmam ăn kon pơlei đơ̆ng teh đak bơ̆n oei tơ̆ teh đak đe păng kon pơlei đei tơdrong arih sa mơmat tat tơ̆ âu.

VOV4.Bahnar – Lơ̆m giĕng âu ki, dôm dêh char Tây Nguyên hlôi pơgơ̆r ‘măng hop akŏm Hô̆i đŏng kon pơlei ah hơtuch sơnăm, akŏm sơkơ̆t tơdrong jang đei jơnei sơnong jang hơtŏk mŭk drăm – tơpôl sơnăm 2023, tơlĕch trong jang, sơnong jang sơnăm 2024. Tơroi tơ̆ dôm hop akŏm ăn ƀôh lơ tơnap tap, minh ƀar tơchơ̆t jang mŭk drăm tơpôl lơ̆m tơring ưh đei jơnei nhen tơlĕch jang. Tơ̆ hop akŏm âu, rim bơngai tang măt sơkơ̆t hơdah gah tơdrong jang đei jơnei sơnăm 2023, tơgop nơ̆r ăn tơchơ̆t hơtŏk kơ sơnăm 2024.

VOV4.Bahnar - Pơgê 8/12, Khŭl bơ̆jang kơ Anih tơm vei lăng găh choh jang sa păng hơtŏk tơiung tơring tơrang yua đơ̆ng Phŏ kơdră tơm Nguyễn Quốc Trị pơm kơdră Khŭl truh năm ngôi, vang sơ ‘ngon hăm ŭnh hnam kang ƀô̆ vei lăng bri Hơnih vei lăng tơmam bri brăh Ea Sô (Dak Lak) đei đe prăh lôch ƀơ̆t kơplăh bơ̆jang.

VOV4.Bahnar - Kơsơ̆ brei (7/12), tơ̆ Anih jang kơdră teh đak, Phŏ kơdră teh đak Võ Thị Ánh Xuân hlôi pơgơ̆r Hop akŏm Jơnŭm vei lăng tơgŭm Anih mong jên vei lăng tơgŭm hơioh Việt Nam mơ̆ng tơ roi tơbăt pơtôch bơ̆jang kiơ̆ hơnăp jang đơ̆ng Anih mong jên lơ̆m sơnăm 2023 păng tơlĕch trong jang sơnăm 2024.

VOV4.Bahnar - Năm truh tơư bri kông Kông Chiêng, apŭng Mang Yang, mư̆h bau truh kră pơlei Hip bu bu jei ‘mêm kơ eng păng chu yom. Hăm jơhngơ̆m đon tơpăt păng phăl hơlăng, ƀok Hip hlôi chông ba kon pơlei yak hloh tơnap tap pơjing đei tơdrong hơnih sa phĭ tơtŏ dơnŏ ‘lơ̆ng dơ̆ng kơjăp. Ƀok chă pơrô̆ pơrôp, pơtho tơbăt trong bơ̆ jang đơ̆ng Đảng, khôi luơ̆t teh đak ‘lơ̆ng hơ iă, tơgŭm ăn kon pơlei tơplih jơhngơm đon tơchĕng, trongh jang sa vă yak hloh dơnuh hin. Ƀok đei pơtih nhen “bơngai chĕp kơ̆l” tơ̆ tơring.

VOV4.Bahnar - Gơmăng hei, 3/12, tơ̆ Hà Nội, Anih tơm vei lăng jang pơgang păng Anih mong jên tơgŭm ăn bơngai jĭ ung thư “Dơning ‘năr ang hơdăh” pơgơ̆r tơdrong hơri hơxoang vă mong akŏm jên tơgŭm ăn bơngai jĭ ung thư tơnuh hin. Phŏ Kơdră Quốc hội Trần Quang Phương vang truh akŏm. 

VOV4.Bahnar - Giĕng au ki, lăp đơ̆ng rŏng pơtôch ‘Măng hop akŏm mă 6, Kuô̆k hô̆i jăl XV, Kơdră tang măt Kuô̆k hô̆i hlôi pơgơ̆r tơƀơ̆p pơma dơnuh hăm bơngai tăh hla rim tơring. Lơ̆m au, Kơ iĕng Kơdră chĕp pơgơ̆r Kuô̆k hô̆i Trần Quang Phương hlôi vang tơƀơ̆p pơma dơnuh hăm bơngai tăh hla tơ̆ dêh char Quảng Ngãi păng pơkă găh tơdrong sar bar ma tuý, twodrong teh dong lơ̆m hnam trương. Găh bơngai tăh hla pơlei tơm Hồ Chí Minh ‘noh lăng kơjăp truh lơ tơdrong nhen jang kiơ̆ Khul kơdră chĕp pơgơ̆r Tơring kơdrơ̆m, tang găn sa pơgơ̆m pơjĭp.

VOV4.Bahnar – Pơgê âu (2/12), tơ̆ Hà Nội pơgơ̆r ‘măng Hop akŏm 13 Kŏng đoan Việt Nam jăl jang 2023-2028 hăm tơdrong vang akŏm đơ̆ng hloh 1 rơbâu 100 ‘nu tang măt ăn 11 trĭu đoan viên kŏng đoan, bơngai jang lơ̆m jâ̆p teh đak.

VOV4.Bahnar - Lơ̆m dang 3 sơnăm âu ki, dêh char Gia Lai chih jô̆ đei hlŏh 2.200 klo kăn oei băl hrôih, tam tôm sơnăm, lơ̆m nŏh vă jê̆ 97% klo kăn âu jĭ bơngai kon kông. Pơm thoi yơ vă găn ƀiơ̆ tơdrong iŏk unh om hrôih, oei băl hơgăm? ‘Nâu jĭ tơdrong mă dôm anih jang kơpal, khul grŭp, tơring tơrang tơ̆ Gia Lai vang bơ̆ jang, hăm lơ trong jang tôch rơđăh, lơ̆m noh đei tơlĕch tơdrong jang “Găn ƀiơ̆ tơdrong iŏk unh om hrôih păng oei băl hơgăm tơ̆ tơring kon kông đơ̆ng 2021 – 2025” găh tơdrong jang tơm kơ teh đak atŏk tơiung mŭk drăm, tơpôl tơ̆ tơring kon kông păng groi kông đơ̆ng 2021 – 2030.

VOV4.Bahnar - ‘Noh jĭ nơ̆r pơma hơdăh đơ̆ng Phŏ kơdră Anih vei lăng hơdrĕch kon kông Y Thông, Kơdră khŭl Việt Nam tơ̆ jăl hôp ‘măng mă 111 kơ Anih vei lăng tơdrong pơkăp apŭng plĕnh teh găh sut hŭt rim trong pơdê hăm bơngai kon kông (CERD)‘nao pơgơ̆r tơ̆ Geneva, Thụy Sỹ.