VOV4.Bahnar - Pơgê ‘năr 15/11, Anih Mặt trận tổ quốc Việt Nam dêh char Đắk Lắk tơlĕch khei jang tơm Yoa bơngai tơnuh sơnăm 2023.

VOV4.Bahnar - Dôm sơnăm tơjê̆ au, jơhngơ̆m đon pơm kiơ̆ khôi luơ̆t găh trong gre nơnăm kơ đe hŏk tro, mă kăl hŏk tro jăl ƀar păng jăl pêng, oei tim mă kơtang. Tơ̆ apŭng groi kông Bắc Yên dêh char Sơn La, tơdrong hŏk tro tim mă tôm sơnăm, ưh kơ đei ƀăng vơ̆r gre mă lei oei vơ̆r gre bơbĭt năm hŏk, ưh kơ yơ̆l môk kŭp, chơ 3, yak pơrĕng, hao rĕnh glĕch gloch kư̆ kă…, ‘nŏh ƀôh hơnơ̆ng tơ̆ lơ jăl trong nơnăm kơ apŭng Bắc Yên. Yak mơ̆t lơ̆m sơnăm hŏk ‘nao 2023-2024, khul Kanh sat vei lăng trong gre nơnăm apŭng Bắc Yên hlôi iung jang hơdoi hăm rim hnam trương lơ̆m apŭng hơtŏk kơtang bơ̆ jang pơtho tơbăt khôi luơ̆t trong gre nơnăm ăn đe hơ ioh.

VOV4.Bahnar - Bơ̆ jang tơdrong jang tơm kơ tĕh đak găh hơtŏ hơnơ̆ng kơplăh drŏ kăn hăm drŏ nglo păng sek tơlang dôm tơdrong kăl hăm đe drŏ kăn păng đe hơiŏh, tơ̆ dôm dêh char Tây Nguyên, đĭ đei kơhrĕng CLB “Bơngai chĕp kơ̆l tơdrong tơplih” đei pơjing.

VOV4.Bahnar - ‘Năr brei (14/11), Anih mong jên tang găn pơ̆k lôch rơka Châu Á (AIP) păng Anih vei lăng sơđơ̆ng tơ̆ trong gre dêh char Gia Lai păng dôm anih jang hơdoi, tơlĕch tơdrong jang “Năm hŏk sơđơ̆ng ‘lơ̆ng” sơnăm hŏk 2023-2024 tơ̆ Hnam trưng jăl mônh Hà Bầu, xăh Hà Bầu, apŭng Đak Đoa.

VOV4.Bahnar - Khul kang ƀô̆ drŏ kăn chĕp pơgơ̆r hơnih jang ling lang kơrŭn đĭ jơhngơ̆m, gơ̆h hơgei, tơgop kơtang lơ̆m bơ̆ jang tơ iung pơjing Đảng, khul jang chinh trĭ, a6tŏk tơ iung mŭk drăm-tơpôl. Kang ƀô̆ drŏ kăn yak hơdoi, chĕp pơgơ̆r hơnăp jang atŭm hăm kwodră chĕp pơgơ̆r rim tơring yak hloh tơnap tap, tơdrong long. Dôm jơhngơ̆m đon ‘lơ̆ng ‘noh kăl hơtŏk kơtang hloh dơ̆ng, mă kăl lơ̆m Khul drŏ kăn tơring kon kông.

VOV4.Bahnar - Bơ̆ jang kăl hlŏh kơ ‘măng mă 1 ‘măng hop akŏm mă 6, Kuô̆k hô̆i jăl XV ‘nŏh bơ̆ jang hơpĭnh păng tơl nơ̆r hơpĭnh hăm 2 năr 1 poăt đei pơgơ̆r tôch kơ ‘lơ̆ng hơ iă. Lơ kơdră tang măt hơlen, tơdrong tơplih ‘nao hơpĭnh lơ tơdrong jang, găh nơ̆r tơl đơ̆ng rim Kơdră chĕp pơgơ̆r rim Hơnih bơ̆ jang păng rim Kơ iĕng Thủ tướng Teh đak tôch tơpăt, trŏ ƀlep rim tơdrong mă rim kơdră tang măt hơpĭnh pơm ăn tơdrong pơgơ̆r hop akŏm Kuô̆k hô̆i ‘lơ̆ng hơ iă, adoi nhen trŏ lăp hăm tơdrong hơpơi đơ̆ng bơngai tăh hla, kon pơlei.

VOV4.Bahnar – Mă tơdrong jang tơroi tơbăt gah Luơ̆t vei lăng trong nơnăm truh hăm kon pơlei kon kông tơ̆ tơring groi kông, hlôi đei khul juăt jang kơ dêh char Khánh Hòa pơm jang tơnăp, mă lei tơdrong pơm glăi sơkơ̆t trong nơnăm đơ̆ng kon pơlei tơ̆ âu adoi oei đei ƀôh lơ, pơm ăn trong nơnăm ưh đei sơđơ̆ng.

VOV4.Bahnar - Pơgê brei (10/11), Anih vei lăng kon pơlei dêh char Đắk Lắk pơgơ̆r hop akŏm pơma nuh hăm druh dăm lơ̆m dêh char hăm hơnăn “Druh dăm dêh char Đắk Lắk hăm tơdrong tơplih hăm kơmăy sô̆, jang tŏk mŭk drăm kơsô̆”.

VOV4.Bahnar - Pơbŭng hnam au kơjă kơjên hloh 150 triu hlak jên, lơ̆m au 80 triu hlak jên đei rim hơnih mơdro sa vang tơra tơgŭm; pă dôm yơ ‘nŏh kơtum kơtŏng ‘nhŏng oh chă tơgŭm ăn.

VOV4.Bahnar - Băt hơdăh teh dong băl lơ̆m ŭnh hnam ‘noh jĭ tơdrong tơm pơm ăn ưh kơ hiôk kơtang găh hơkâu jăn păng jơhngơ̆m đon ăn dôm bơngai lơ̆m ŭnh hnam, khei ‘năr âu ki, khŭl drŏ kăn xăh An Bình, apŭng Châu Thành, dêh char Tây Ninh lăng kăl tơlĕch lơ tơdrong jang vă bơ̆jang kiơ̆ đei yua luơ̆t tang găn teh dong lơ̆m ŭnh hnam ‘moi kiơ̆ hơnăp jang đơ̆ng khŭl jang, grŭp drŏ kăn đei lơ tơdrong jang hơdăh ‘lơ̆ng lơ̆m tang găn teh dong lơ̆m ŭnh hnam, tơgop pơjing ŭnh hnam phĭ tơnŏ, dơnŏ ‘lơ̆ng, hiôk chơt.