VOV4.Bahnar - Ou ki, Kơdră jang lơ̆m Hơnih tơm Chinh trĭ, Bí thư Trung ương Đảng, Kơdră chĕp pơgơ̆r Ban nội chính Trung ương Phan Đình Trạc atŭm hăm Khul kơdră tang măt Kuô̆k hô̆i dêh char Lâm Đồng hlôi tơƀơ̆p pơma dơnuh hăm bơngai tăh hla lơ̆m dêh char. Bơngai tăh hla hlôi pơma tơbăt, tơgop nơ̆r lơ tơdrong kăl, nhen tơdrong tơgar dih băl teh đunh đai ƀar păh kon pơlei hăm rim mir đak lar, hơnih mơdro sa, tơdrong sa jên khei hăm khul bơ̆ jang vei lăng năng tông bri.

VOV4.Bahnar - Apŭng Tu Mrông, dêh char Kon Tum đei hlŏh 58.000 ha bri, yơ̆p bri đei vă jê̆ 68%. 4 sơnăm âu ki, kŭm hăm vei lăng ‘lơ̆ng bri ‘long hlôi đei, đơ̆ng lơ jên jang păng tơdrong vang bơ̆ jang tôch tơnăp đơ̆ng kon pơlei, apŭng Tu Mrông hlôi pơtăm đei hlŏh 2.000 ha ‘long bri păng hlŏh 1,2 triu tơnơm ‘long răh rai. Pơtăm ming dơ̆ng tơ̆ dôm hơgăt teh phui phang, ưh đei tơm ‘long đei apŭng năng jĭ trong jang gĭt kăl vă atŏk tơiung mŭk drăm đơ̆ng bri, pơjing tơdrong jang xa kơjăp ‘lơ̆ng ăn dôm jĭt rơbâu ‘nu bơngai Xơ Đăng, iŏk đei hlŏh 95% kơsô̆ kon pơlei tơ̆ apŭng.

VOV4.Bahnar - Dêh char Kon Tum ‘nao tơchơ̆t klăih song hloh 1.145 tấn phe, vă tơgŭm hloh 15.300 ‘nu hŏk tro sa yua tơdrong tơgŭm kiơ̆ Tơdrong tơchơ̆t đơ̆ng Khŭl kơdră teh đak Hơgăt tơdrong jang tơgŭm hŏk tro păng hnam trưng phô thŏng tơ̆ xăh, pơlei mơmat tat dêh hloh.

VOV4.Bahnar - Khei năr ou ki, tơ̆ hnam hop akŏm Diên Hồng, hnam Kuô̆k hô̆i hlôi pơgơ̆r ‘Măng apĭnh jet păng tơl nơ̆r pơgơ̆r lơ̆m ‘Măng hop akŏm pơm pơtih ăn “Kuô̆k hô̆i hơ ioh” ‘măng mă II - sơnăm 2024. Kơdră chĕp pơgơ̆r Kuô̆k hô̆i Trần Thanh Mẫn vang năm hop akŏm. Hloh 300 ‘nu bơngai tang măt Kuô̆k hô̆i hơ ioh đơ̆ng 63 dêh char, pơlei tơm vang năm hop akom, hlôi pơma tơbăt jơhngơm đon hơpơi ‘meh vă đơ̆ng rim bơngai tăh hla đe hơ ioh hăm 2 tơdrong “Tang găn hơlou, tơjră tang găn tơdrong hil hơreh teh dong lơ̆m hnam trương” păng “Tang găn tơdrong pơrăm đơ̆ng hơ̆t, tơmam pơm kơnê̆ jơhngơ̆m jăn, mă kăl lơ̆m hnam trương hŏk pơhrăm”.

VOV4.Bahnar - ‘Nao âu VOV đei ƀai chih ră roi truh tơdrong tơhlăk, pơm ăn kơhrĕng unh hnam kon pơlei xăh Trà Vinh, dêh char Quảng Nam arih xa păih xăh Đắk Nên, dêh char Kon Tum pŭ lơ tơdrong hiong răm. Tơdrong ‘nâu đĭ đei đunh dôm jĭt sơnăm ‘nâu bơih, pơm ăn Khul kơdră pơgơ̆r tơ̆ 2 dêh char Kon Tum păng Quảng Nam tơƀâp lơ tơdrong pơmat tat lơ̆m tơdrong vei lăng. Mă lei tơdrong tih hlŏh dơ̆ng ‘nŏh jĭ 235 unh hnam, hăm vă jê̆ 1.100 ‘nu bơngai ưh đei xa yoa dôm tơdrong tơgŭm tôch tơgăl, yoa dôm tơdrong tơgŭm đơ̆ng teh đak ‘măn ăn tơring pơmat tat ưh gơ̆h tơlĕch jang tơ̆ âu.

VOV4.Bahnar - Lơ̆m 2 năr, ‘năr 3 păng 4/10, Khul drŏ kăn tĕch mơdro dêh char Đắk Lắk pơgơ̆r pơjao dôm jĭt tŏ bơbe yŏng tơgŭm ăn đe drŏ kăn bơngai kon kông pơmat tat tơ̆ dôm tơring hơtăih yăih, đei tơdrong arih xa pơmat tat lơ̆m dêh char.

VOV4.Bahnar - Dôm sơnăm âu ki, tơ jur dơnuh hin kơjăp ‘noh jĭ 1 lơ̆m dôm hơnăp jang tơm kơ pơlei tơm Pleiku, dêh char Gia Lai.

VOV4.Bahnar – ‘Năr brei (1/10), Khul jang đơ̆ng Anih vei lăng hơdrĕch kon kông yoa ƀok Y Vinh Tơr, Kơdră jang hiă lơ̆m Trung ương Đảng, Phŏ Kơdră Anih vei lăng hơdrĕch kon kông chĕp kơ̆l truh dăr lăng Tơdrong jang tơm kơ teh đak atŏk tơiung mŭk drăm, tơpôl tơ̆ tơring kon kông păng groi kông tơ̆ dêh char Kon Tum. 

VOV4.Bahnar - Kơsơ̆ brei (01/10), tơ̆ Anih jang kơ Khul kơdră teh đak, Thủ tướng Phạm Minh Chính pơgơ̆r Hop akŏm Đe kơdră chĕp kơ̆l Khul kơdră teh đak hăm Mặt trận Tổ quốc Việt Nam, dôm anih tơm, anih jang kơpal găh tơlĕch trong tơgŭm sut pơđĭ hnam hiăh hiok ăn unh hnam tơnuh păng vă jê̆ tơnuh.

VOV4.Bahnar - Pơgê năr 30/9, tơ̆ Hà Nội, Hơnih bơ̆ jang ăn Kơdră chĕp pơgơ̆r Teh đak jang hơdoi hăm Hơnih tơm Kŏng ang păng rim hơnih bơ̆ jang ƀơm truh pơgơ̆r hop akŏm tơbăt hơdăh tơdrong tơchơ̆t ăn pơnă brŏk hrôih sơnăm 2024 đơ̆ng Kơdră chĕp pơgơ̆r Teh đak.