VOV4.Bahnar - Lơ tơdrong jang tơ̆ dêh char Dak Nông tŏk bŏk ưh kơ gơh tơlĕch jang, tơlĕch jên tơmơ̆t jên jang teh đak kơ dêh char sơnăm ‘nâu rŏ lăng ưh kơ kĕ jang đang yua đơ̆ng tơklăk chĕng hơmet teh bô xít.

VOV4.Bahnar - Đơ̆ng dang ei truh sơnăm 2025, dêh char Gia Lai vă tơlĕch 7 tơdrong jang Tơjur tơnuh hin kơjăp ‘lơ̆ng. Lơ̆m nŏh akŏm pơm tơplih trong jang xa, chă pơjing tơdrong jang xa kơjăp ‘lơ̆ng tơ̆ tơring kon kông.

VOV4.Bahnar - Sơnăm hŏk ‘nao hlôi truh, rim oh hŏk tro tơ̆ tơring sơlam teh đak kơ Tây Nguyên chơt hơ iă ‘nă hal năm tơ̆ hnam trương lơ̆m jơhngơ̆m đon ‘mêm kơ eng đơ̆ng rim mih ma ƀô̆ đô̆i vei lăng Sơlam teh đak. Atŭm hăm tơdrong lăng ba đơ̆ng khul kơdră chĕp pơgơ̆r tơring păng hơnih vei lăng hnam trương pơtho pơhrăm, rim đe oh oei đei rim mih ma ƀô̆ đô̆i vei lăng Sơlam teh đak vei lăng năng tông đơ̆ng sŏng sa păng truh tơmam drăm gĭt kăl.

VOV4.Bahnar – Năr 13/9, tơ̆ pơlei tơm Pleiku, dêh char Gia Lai đei pơgơ̆r Pơma đam hơnăn “Chĕp vei sơnong jang kơ đe kăn ƀô̆ drăkăn păng tơdrong pơm kiơ̆ tơchơ̆t hăm dôm grŭp drăkăn kăp gĭt” tơring Tŏk bŏk - Tây Nguyên.

VOV4.Bahnar -  Khei năr au ki, hăm tơdrong lăng ba đơ̆ng Đảng păng Teh đak lơ trong bơ̆ jang, tơdrong vă jang tơmơ̆t jên jang lơ̆m tơring kon kông tơ̆ Đak Lăk hlôi păng tŏk bŏk iung jang kiơ̆ jơnei, pơm tơplih tơdrong hơrih sa kơ kon pơlei kon kông roi năr roi ‘lơ̆ng rŏ, roi năr roi sơđơ̆ng.

VOV4.Bahnar - Pơgê 10/9, Trung ương Đoàn hơdruh tơdăm Cộng sản Hồ Chí Minh, Jơnŭm Khŭl Trung ương jang hơdai hăm Anih jang joh ayŏ, pơtho pơhrăm kơ Kuôk hô̆i, Anih bơ̆jang Kuôk hô̆i pơgơ̆r jơ hop akŏm pơtih “Kuôk hô̆i hơioh” ‘măng mă I.

VOV4.Bahnar -  Âu ki tơ̆ Hà Nội hlôi pơgơ̆r Hop akŏm lơ̆m teh đak tơlĕch jang kiơ̆ Khôi luơ̆t, Tơdrong tơchơ̆t đơ̆ng Kuô̆k hô̆i jăl XV. Iung pơma tơ̆ hop akŏm, Kơdră chĕp pơgơ̆r Kuô̆k hô̆i Vương Đình Huệ athei, atŏk kơtang, tơplih ‘nao tơbăt, pơtho tơbăt khôi luơ̆t trŏ lăp hăm rim bơngai, rim tơdrong, tơring, mă kăl ‘nŏh hăm tơring kon kông păng groi kông.

VOV4.Bahnar – Mă mŭk drăm oei tơnap tap, mă lei Jơnŭm pơgơ̆r teh đak tơrĕk tơnăp truh tơdrong jang sut lê̆ pơngot tơjur hin dơnuh hăm lơ tơdrong tơchơ̆t jang hơdah. Kiơ̆ chih akŏm đơ̆ng Anih tơm Asong jang – Linh jĭ rơka păng Tơpôl ăn ƀôh, sơnăm 1993, kơsô̆ unh hnam hin dơnuh kơ jâ̆p teh đak noh 58%, truh sơnăm 2020 oei 2,75% păng sơnăm 2021 noh 2,23%. Việt Nam hlôi keh đang hrôih tơchơ̆t jang đơ̆ng Liên hơp kuôk gah sut lê̆ pơngot, tơjur hin dơnuh păng đei jơnŭm jang apŭng plenh teh hmach bơnê jing anih hơdah gah jang tơjur hin dơnuh lơ̆m kơpal teh. Lơ̆m khei năr truh, Jơnŭm pơgơ̆r teh đak tơchơ̆t pơtoi keh đang pơm jang vă hơtŏk mŭk drăm – tơpôl kơ tơring tơnap tap gơh hơtŏk tơ-iung.

VOV4.bahnar - Tơ-iung pơjing tơgoăt tơgoăl kơjăp hăm khul kơdră chĕp pơgơ̆r Đảng, kơdră chĕp pơgơ̆r tơring, atŏk kơtang rim tơdrong jang pơm ‘nhŏng oh hăm kon pơlei tơring atăih yăih, tơring sơlam teh đak ‘nŏh jĭ trong jang đei rim hơnih kơ Ƀô̆ đô̆i dêh char Dak Lăk sơkơ̆t hơdăh lơ̆m ‘măng iung năm bơ̆ jang pơrô̆ pơrôp kon pơlei lơ̆m 8 khei au ki. Hăm dôm tơdrong jang hơdăh kang ƀô̆, ƀô̆ đô̆i rim hơnih hlôi pơm lăp đon lơ̆m jơhngơ̆m đon kon pơlei rim hơdrung tơ̆ rim pơlei pơla tơring sơlam teh đak dêh char Dak Lăk.

VOV4.Bahnar - Năr dơning (5/9) ‘nŏh năr Lêh pơgơ̆r blŭng a sơnăm hŏk ‘nao. Mĭnh tơdrong đei tôch kơ lơ bơngai tăh hla, rim mĕ ƀă hŏk tro, đe hŏk tro lăng truh, ‘nŏh kơsơ̆p hla bơar hŏk. Âu ki, Hơnih bơ̆ jang Kuô̆k hô̆i hlôi iung jang dăr lăng đei hơnăn “Tơdrong jang kiơ̆ Tơdrong tơchơ̆t kơ Kuô̆k hô̆i găh tơplih ‘nao tơdrong pơtho pơhrăm, kơsơ̆p hla bơar hŏk pơhrăm”. Hơnih bơ̆ jang Kuôk hô̆i athei Hơnih tơm vei lăng Hnam trương pơtho pơhrăm kăl iung jang chih tơlĕch mĭnh grŭp kơsơ̆p hla bơar hŏk tôm tong đơ̆ng lăm 1 truh lăm 12.