Lơ̆m jê̆ 2.400 tŏ hnam đei dêh char Kon Tum tơlĕch man 'nao, hơmet ming đei jê̆ 1.250 tŏ hnam, keh đang păng pơjao ăn kon pơlei iŏk yua. Hăm tơdrong keh đang tôm 155 tŏ hnam, lơ̆m noh đei 102 tŏ hnam man 'nao păng hơmet ming 53 tŏ,  Apŭng Kon Rẫy jĭ tơring mă blŭng kơ dêh char Kon Tum đei jơnei gah sut lê̆ hnam pơgia, hnam hyah hyok ăn kon pơlei.

Vă keh đang tơchơ̆t sut lê̆ hnam pơgia, hnam hyah hyok ăn tôm 2.752 unh hnam kon pơlei lơ̆m dêh char ah hơtuch khei 6 ou kơnh, dang ei dêh char Kon Tum tŏk bŏk oei akŏm sek tơlang tơnap tap gah jên, lơ̆m noh đei pơkăp tơgŭm đơ̆ng minh ƀar anih jang mŭk drăm.