VOV4.Bahnar - Kơsơ̆ brei (29/7), Hơnih bơ̆ jang Mặt trận tổ Quốc Việt Nam dêh char Dak Lăk sơng iŏk tơgŭm djru Hơnih mong jên kơ yuơ bơngai dơnuh păng Hơnih mong jên lăng ba dôm bơngai đei iok yua ăn teh đak kơ yuơ Kơdră chĕp pơgơ̆r Jơnŭm vei lăng Kon kông kơ Kuô̆k hô̆i Y Thanh Hà Niê Kdăm chă hơvơn pôk ăn.

VOV4.Bahnar - Dôm sơnăm tơjê̆ âu, apŭng Trà Bồng, dêh char Quảng Ngãi hlôi tơlĕch tơdrong jang tơm kơ teh đak tơjur tơnuh hin kơjăp ‘lơ̆ng lăp hăm yăn âu, pơm hơtŏk tơdrong đei yoa đơ̆ng bơ̆  jang tơjur tơnuh hin. Lơ unh hnam đei tơgŭm hnam oei, tơgŭm jang xa, tŏk klăih đơ̆ng tơnuh hin kơjăp ‘lơ̆ng. 

VOV4.Bahnar - Ou ki, tơ̆ Hnam Kuô̆k hô̆i, Kơdră chĕp pơgơ̆r Kuô̆k hô̆i Trần Thanh Mẫn hlôi pơm tơm hop akŏm ƀar păh Kơdră chĕp pơgơ̆r Kuô̆k hô̆i, rim Kơ iĕng Kơdră chĕp pơgơ̆r Kuô̆k hô̆i hăm rim hơnih bơ̆ jang kơ Kuô̆k hô̆i, Hơnih jang Kuô̆k hô̆i, rim hơnih jang găh Hơnih bơ̆ jang Kuô̆k hô̆i vă lăng hơlen pơtôch 6 khei blŭng sơnăm, tơdrong jang tơm 6 khei hơtuch sơnăm. 

VOV4.Bahnar - Hlôh hơdăh gĭt kăl jơhngơ̆m đon ‘lơ̆ng, tơdrong joăt joe ‘lơ̆ng hơiă đơ̆ng hơdrĕch hơdrŭng păng nơ̆r pơtho đơ̆ng Kơdră Hồ Chí Minh, 77 sơnăm âu ki, Đảng, teh đak păng Kon pơlei Việt Nam ling lang bơngơ̆t truh, vei lăng, bơ̆jang ‘lơ̆ng tơdrong jang ƀlŏk bơnê hăm bơngai đei kŏng hăm kach mang păng ŭnh hnam bơngai đei kŏng.

VOV4.Bahnar - Ƀlep lơ̆m năr tơbăt 77 sơnăm Năr Bơngai rơka-Lôch dŏng teh đak (27/7), rim hnam pơgang, hnam pơgang ƀô̆ đô̆i kon pơlei găh Binh đoàn 15 vang iung jang năm khăm jĭ, ƀơk pơgang ăn dôm bơngai đei iŏk yua ăn teh đak, ŭnh hnam đei iok yua ăn teh đak păng rim ŭnh hnam dơnuh oei tơ̆ tơring sơlam teh đak rim dêh char Gia Lai păng Kon Tum.

VOV4.Bahnar - Pơgê năr 24/7, Kơ iĕng Kơdră chĕp pơgơ̆r Kuô̆k hô̆i Nguyễn Đức Hải hăm Khul bơ̆ jang Trung ương hlôi pôk ăn 50 tơnô̆ tơmam drăm ăn rim ŭnh hnam rơka, lôch dŏng teh đak tơ̆ Lai Châu ƀlep lơ̆m năr tơbăt 77 sơnăm năr bơngai rơka, lôch dŏng teh đak.

VOV4.Bahnar - Ƀlep ƀât tơbăt 77 sơnăm Năr linh jĭ rơka – Linh lôch tang teh đak (27/7), dêh char Đắk Lắk ‘măn hlŏh 11 ti hlak jên păng pơjing 6 khul năm ngôi, pơma nuh, hơpăh tơmam ăn bơngai đei kŏng bơ̆ jang rơgei.

VOV4.Bahnar - Pơgê 23/7, Thủ tướng Phạm Minh Chính vang truh Hop akŏm tơƀôh jơhngơ̆m đon ‘mêm bơnê kơ bơngai đei kŏng hăm kach mạng sơnăm 2024 păng tơƀôh Hơnih mong gen (ADN) lĭnh lôch dŏng teh đak tam mă hơdăh hơnăn păng ŭnh hnam lĭnh lôch dŏng teh đak.

VOV4.Bahnar - . Ƀlep lơ̆m tơbăt 77 sơnăm năr Bơngai rơka-lôch dŏng teh đak (27/07/1947-27/07/2024), kơsơ̆ ou, tơ̆ Hơnih hơnơ̆m Kơdră chĕp pơgơ̆r teh đak, Kơdră chĕp pơgơ̆r Teh đak Tô Lâm tơƀơ̆p muh măt Khul bơngai tang măt ăn dôm bơngai đei iŏk yua ăn kĕch mang jang ‘lơ̆ng lơm teh đak; rim Yă Mĕ Việt Nam nuih mơng, Ƀô̆ đô̆i nuih mơng, Bơngai jang gơ̆h hơgei păng ŭnh hnam bơngai lôch dŏng teh đak.

VOV4.Bahnar - Hăm 80 sơnăm hơrih, vă jê̆ 57 sơnăm mơ̆t Đảng, 14 sơnăm pơm Tổng Bí thư, hloh 2 sơnăm pơm kơdră teh đak, hloh 5 sơnăm pơm Kơdră Quốc hội, ƀok Nguyễn Phú Trọng ling lang tơchĕng, đĭ jơhngơ̆m hăm tơdrong jang kach mang kơ Đảng păng hơdrĕch hơdrŭng, kŭm hăm Trung ương Đảng, Khŭl kơdră teh đak chĕp kơ̆l đĭ đăng Đảng, đĭ đăng kon pơlei, đĭ đăng lĭnh bơ̆n iŏk đei lơ jơnei tih tên đei tơdrong ‘lơ̆ng jơhnơr arih. Oei hơrih, Tổng Bí thư Nguyễn Phú Trọng hlôi đei lơ nơ̆r pơma hơiă, pơ ‘lơ̆ng mă lei mơ̆t lơ̆m jơhngơ̆m. Dôm nơ̆r pơma đơ̆ng ƀok hlôi mơ̆t lơ̆m jơhngơ̆m kon pơlei, đei Kon pơlei lui ‘mêm păng kŏp yom.