VOV4.Bahnar - Hăm trong jang “pôk ăn chư, chro ăn jơhngơ̆m đon ‘meh vă”, đơ̆ng sơnăm 2016 truh dang ei, Ƀô̆ đô̆i vei lăng sơlam teh đak dêh char Đak Nông hlôi tơlĕch lơ trong jang nhen “kon mŏm kơđông ƀô̆ đô̆i vei lăng sơlam teh đak”, “Yak hơdoi hăm oh năm tơ̆ hnam trương” đei jơnei hơ iă. ‘Moi kiơ̆ tơdrong tơlĕch jang rim Tơdrong jang hlôi sơkơ̆t hơdăh găh jơhngơ̆m đon ‘lơ̆ng, jơhngơ̆m đon tơgoăt tơgoăl dih băl kơjăp ƀar păh kang ƀô̆, ƀô̆ đô̆i kơ Ƀô̆ đô̆i vei lăng sơlam teh đak hăm kon pơlei rim hơdrung oei tơ̆ tơring sơlam teh đak, đei kơdră kơpal, rim hơnih, kơdră tơring, rim hnam trương păng kon pơlei lăp đon, hôn bơnê kơtang.

VOV4.Bahnar – ‘Năr brei (30/8), Khul pơm jang kơ Anih tơm Pơtho Pơhrăm kơyuơ Ƀô̆ trưởng Nguyễn Kim Sơn chĕp kơ̆l năm hơlen tơdrong jang hơmet ăn sơnăm hŏk ‘nao păng năm apong, asong tơmam kơ đe hŏk tro tơring ataih yaih kơ dêh char Đăk Nông.

VOV4.Bahnar – Năr 28/8, Jơnŭm jang đe Hơdruh tơdăm Việt Nam dêh char Đăk Lăk jang atŭm hăm Jơnŭm jang Sinh viên Việt Nam dêh char pơgơ̆r tơdrong tơƀơ̆p pơma dơnuh păng pôk hơpah ăn đe sinh viên kon kông hŏk hơgei.

VOV4. Bahnar - Tơ̆ hop akoưm 25 kơ Hơnih bơ jang Kuô̆k hô̆i au ki, Ƀô̆ trương Hơnih tơm vei lăng Choh jang sa păng Atŏk tơ iung tơring tơrang Lê Minh Hoan hlôi tơl nơ̆r apĭnh găh pơm hơdăh rim tơdrong nhen tơplih iŏk yua, iŏk tơvih teh jang chŭn na ƀa đak, sơđơ̆ng phe ƀa păng tĕch mơdro tơ̆ teh đak đe phe păng tơmam drăm choh jang sa.

VOV4.Bahnar - Hơnih tơm vei lăng Tơdrong jang Việt Nam ‘nao đei Nơ̆r pơma pơtôch kơsô̆ 02 găh hơnơ̆ng tơgŭm ăn đoàn viên công đoàn, bơngai jang pơm pơđunh jơ ‘năr pơdơ̆h năm jang, pơtôch pơkăp jang.

VOV4.Bahnar - ‘Năr 22/8, tơ̆ plt Buôn Ma Thuột, dêh char Dak Lak, pơgơ̆r Hop akŏm pơtôch tơdrong jang hơdoi găh tang găn păng pơm tơjur sar bar lơ̆m anih pơtho pơhrăm đơ̆ng 2018-2023.

VOV4.Bahnar - Hop akŏm kơdră tang măt Kuô̆k hôi gô đei pơgơ̆r hop akŏm kơtă lơ̆m hơnih hop akŏm Diên Hồng, Hnam Kuô̆k hô̆i đơ̆ng năr 28 - 30/8/2023.

VOV4.Bahnar - Giĕng au ki, Hơnih bơ̆ jang Kuô̆k hô̆i hlôi đei nơ̆r tơgop lơ̆m hla bơar tơbăt hơdăh pơtôch jang dăr lăng ‘măng mă blŭng găh tơdrong jang dăr lăng đơ̆ng Kuô̆k hô̆i găh “Tơdrong tơlĕch jang kiơ̆ rim tơdrong tơchơ̆t đơ̆ng Kuô̆k hô̆i găh Tơdrong jang tơm teh đak găh tơ iung pơjing tơring tơrang 'nao jăl jang 2021-2025, tơjur dơnuh kơjăp ‘lơ̆ng jăl jang 2021-2025, atŏk tơ iung mŭk drăm-tơpôl tơring kon kông păng groi kông jăl jang 2021-2030 păng Khôi luơ̆t tĕch răt mŭk drăm (hơmet ming). 

VOV4.Bahnar - Năr 18/8, Kơ iĕng Kơdră Teh đak Võ Thị Ánh Xuân hlôi năm bơ̆ jang tơ̆ dêh char Bình Phước hăm lơ tơdrong jang gĭt kăl vei lăng năng tông ăn dôm bơngai đei iŏk yua ăn Teh đak.

VOV4.Bahnar - Kơsơ̆ (17/8), hơdrol kơ sơnăm hŏk ‘nao, Anih tơm pơgơ̆r Ƀô̆ đô̆i vei lăng tơring sơlam dêh char Dak Nông pơgơ̆r tơƀơ̆p muh măt pôk pơ ư hŏk tro hơgei lơ̆m tơdrong jang “Tơgŭm oh truh tơ̆ hnam trưng - kon rong kơ đông lĭnh vei lăng tơring sơlam” păng tơdrong jang “Kang ƀô̆, khŭl linh tơgŭm oh truh tơ̆ hnam trưng” sơnăm hŏk 2022-2023.