VOV4.Bahnar - Dêh char Sóc Trăng hlôi đei 64/80 tơring iŏk đei jing tơring tơrang ‘nao, 16 tơring iŏk đei tơring tơrang ‘nao ‘lơ̆ng hloh, 3 apŭng iŏk đei tơdrong tơchơ̆t jang keh đak tơdrong jang tơ iung pơjing tơring tơrang ‘nao.

VOV4.Bahnar -Tơ̆ păih Pơmơ̆t Tu kơ dêh char Dak Lak, apŭng Buôn Đôn đei 47 Km trong sơlam hăm teh đak Campuchia, đei vă jê̆ 65.000 ‘nu kon pơlei, 29 hơdrĕch hơdrŭng vang arih sa. Dôm sơnăm âu ki, hăm tơdrong chĕp kơ̆l đơ̆ng Đảng, kon pơlei dôm hơdrĕch hơdrŭng kơ apŭng Buôn Đôn hlôi 1 ƀơ̆r đon yak hloh rim tơdrong mơmat tat, hơdrin hơtŏk tơiung mŭk drăm hơtŏk ‘lơ̆ng tơdrong arih sa, pơjing tơring sơlam rơngei, pran kơjăp. Lơtơdrong tơchơ̆t ‘lơ̆ng đơ̆ng Đảng bộ apŭng hlôi yak mơ̆t lơ̆m yan âu. Ƀôh hơdăh ‘noh jĭ tơdrong tơchơ̆t găh tơplih ‘long pơtăm kon tơrong tŭn pran choh pơtăm păng iŏk yua khoa hŏk thuơ̆t lơ̆m jang sa hlôi đei tơlĕch jang hơdăh truh tim pơlei pơla.

VOV4.Bahnar - Kơsơ̆ brei 16/7, Kơdră Quốc hội Vương Đình Huệ păng Khul tang măt dôm anih jang kơ Kuô̆k hô̆i truh sŏh nhang, tơƀôh jơhngâm đon ‘mêm bơnê kơ đe linh lôch tang tĕh đak tơ̆ dêh char Quảng Trị.

VOV4.Bahnar – Dang ei, rim dêh char tơring Tây Nguyên tŏk bŏk tơlĕch 3 tơdrong jang mă teh đak tơchơ̆t (tơring pơsĕl 'nao, tơjur hin dơnuh kơjăp sơđơ̆ng păng hơtŏk mŭk drăm – tơpôl tơring kon kông păng groi kông). Atŭm hăm dôm tơdrong jang đei jơnei, rim tơring hlôi adrin hơmet tơnap tap vă pơm jang 3 tơdrong jang âu gơh đei jơnei tơnăp hloh.

VOV4.Bahnar - Tơ̆ Hnam Kuô̆k hô̆i, kơ yuơ Kơdră chĕp pơgơ̆r Kuô̆k hô̆i Vương Đình Huệ chĕp pơgơ̆r, Hơnih bơ̆ jang chĕp pơgơ̆r Kuô̆k hô̆i pơgơ̆r blŭng a ‘măng hop akŏm mă 24. Tơ̆ hop akŏm au, Hơnih bơ̆ jang chĕp pơgơ̆r Kuô̆k hô̆i păng Khul kơdră chĕp pơgơ̆r Hơnih jang Trung ương MTTQ (krao kơ đeh ‘noh tơdrong tơchơ̆t kơsô̆ 525) găh tơdrong tơƀơ̆p pơma dơnuh hăm bơngai tăh hla đơ̆ng Kơdră chĕp pơgơ̆r Kuôk hô̆i. Đơ̆ng noh tơƀôh hơdăh kăl atŏk kơtang hloh dơ̆ng bơ̆ jang ‘lơ̆ng tơƀơ̆p pơma dơnuh hăm bơngai tăh hla đơ̆ng rim kơdră tang măt Kuô̆k hô̆i.

VOV4.Bahnar – Tơ̆ Sóc Trăng, đơ̆ng jên mong Tơdrong tơchơ̆t jang kơ teh đak hơtŏk mŭk drăm – tơpôl tơring kon kông, jăl sơnăm 2021 - 2025 păng sơkơ̆t lăng truh sơnăm 2030, dêh char hlôi hơtŏk tenh tơdrong pơm kiơ̆ păng asong lơ tơdrong ming man kăl. Tơchơ̆t ming man tơdrong jang brư̆ brư̆ keh đang, tơgŭm ăn um ai tơring kon kông đei hơtŏk păng pơm trong hiôk ăn kon pơlei hơtŏk mŭk drăm, hơtŏk iŏk yua, sơđơ̆ng tơdrong hơrih.

VOV4.Bahnar - Pơgê năr 14/7, tơ̆ pơlei tơm Đà Nẵng, Khul pơtrŭt hŏk pơhrăm Việt Nam pơgơ̆r pôk ăn kon jên Hŏk pơhrăm “Hŏk ưh kơ lei yơ tôch” ‘măng mă 3, pôk ăn hŏk tro păng bơngai ‘lŏ tơ̆ 16 dêh char, pơlei tơm tơring Tŏk bŏk păng Tây Nguyên hŏk pơhrăm hơgei.

VOV4.Bahnar - Hơnơ̆ng bơ̆ jang lơ̆m Hop akŏm mă 24, năr ‘nâu (14/07) Anih chĕp kơ̆l pơgơ̆r Kuô̆k hô̆i mơ̆ng nơ̆r tơroi tơdrong dăr lăng blŭng a kiơ̆ tơdrong jang đơ̆ng Anih chĕp kơ̆l pơgơ̆r Kuô̆k hô̆i găh “Bơ̆ jang kiơ̆ tơdrong Tơchơ̆t kơsô̆ 88 sơnăm 2014 Kuô̆k hô̆i jăl 13 păng Tơdrong tơchơ̆t kơsô̆ 51 sơnăm 2017 Kuô̆k hô̆i jăl 14 găh tơplih ‘nao tơdrong pơtho pơhrăm, hla ar hŏk phô thong”.

VOV4.Bahnar - Kiơ̆ kơ Ƀao hiêm tơpôl dêh char Gia Lai, dang ei lơ̆m dêh char đei hloh 2300 anih jang hiơ̆ kơ nôp jên ƀao hiêm ăn bơngai jang hăm kơ sô̆ jên tŏk truh 146 ti hlak jên.

VOV4.Bahnar - Yên Bái jĭ dêh char groi kông đei 30 hơdrĕch hơdrung arih xa hơdai, lơ̆m nŏh bơngai kon kông đei 57,3%. Bơ̆ jang tơdrong jang tơm kơ tĕh đak atŏk tơiung mŭk drăm, tơpôl tơ̆ tơring kon kông păng groi kông đơ̆ng 2021-2025, kŭm hăm tơmât hơdai lơ tơdrong tơgŭm đơ̆ng Trung ương, Yên Bái oei đei trong jang roi tơbăt, pơhlôh đon kon pơlei, pơm tơplih tơdrong arih xa.