VOV4.Bahnar - Đơ̆ng sơnăm 2016, Khul kơdră chĕp pơgơ̆r jăl XI Đang ƀô̆ pơlei tơm Pleiku, dêh char Gia Lai tơlĕch Tơdrong tơchơ̆t kơsô̆ 06 vă pơm hơtŏk tơdrng hơrih sa kon pơlei tơ̆ rim pơlei pơla kon kông atŭm hăm atŏk tơ iung tơdrong oei sa joh ayŏ joăt joe, pơjing đei tơdrong ‘lơ̆ng rŏ kơ kon kông tơ̆ tơring. Kiơ̆ kơ ‘noh, pơlei tơm Pleiku hlôi tơmơ̆t jên jang ăn rim pơlei kon kông hloh 50 ti hlak jên vă tơ iung pơjing trong nơnăm, pơtăm ming chehphe, tơgŭm djru rim ŭnh hnam dơnuh, vă jê̆ dơnuh păng tơmơ̆t jên jang pơm pơkeh dôm tơdrong pơkăp lơ̆m oei sa, vei răk tơdrong jang joăt joe sơ̆ ki. Gơnơm đơ̆ng noh, tơdrong hơrih sa kơ rim pơlei kon kông lơ̆m pơlei tơm Pleiku hlôi đei tơplih ‘nao

VOV4.Bahnar - Pơgê năr 22/4, tơ̆ pơlei tơm Điện Biên Phủ, dêh char Điện Biên, Trung ương Jơnŭm jang ‘Long pơglang brê Việt Nam jang atŭm hăm Anih jang vei lăng kon pơlei dêh char Điện Biên pơgơ̆r Lêh Pơtơm Khei pơm jang ‘Mêm bơnat kơ teh đak sơnăm 2024 hăm hơnăn “Hơyak jang ‘mêm bơnat – Pơjao tơdrong ‘mêm kơ-eng”.

VOV4.Bahnar - “Athei pơm kiơ̆ dôm sơchơ̆t vei sơđơ̆ng dôm Tơchơ̆t tôm tơdrong kơ Luơ̆t Teh, atŭm hăm noh vei sơđơ̆ng vă Lươ̆t Teh sơnăm 2024 gơh hrôih iŏk yoa”. ‘Nâu jĭ pơkăl đơ̆ng Phŏ Thủ tướng Trần Hồng Hà ah tơdrong hop akŏm hăm Anih tơm jang Mŭk drăm păng Cham char păng minh ƀar anih jang tơm nai đei tơrĕk gah chih akŏm dôm hla bơar tơchơ̆t hơdah chih akŏm Luơ̆t Teh sơnăm 2024 đei pơgơ̆r lơ̆m giĕng âu ki.

VOV4.Bahnar - Ou ki, tơ̆ Hnam Kuô̆k hô̆i hlôi pơgơ̆r Hop akŏm pơtôch bơ̆ jang kơ Khul kơdră tang măt Kuô̆k hô̆i sơnăm 2023, tơlĕch tơdrong jang sơnăm 2024. Kơdră chĕp pơgơ̆r Kuô̆k hô̆i Vương Đình Huệ vang năm. dự hội nghị. Kơdră chĕp pơgơ̆r Kuô̆k hô̆i Vương Đình Huệ athei, rim khul Kơdră tang măt Kuô̆k hô̆i, rim bơngai tang măt Kuô̆k hô̆i iung jang kiơ̆ dôm tơdrong hlôi iŏk đei, hơnơ̆ng pơih să, atŏk lơ tơdrong jang, atŏk kơtang hloh dơ̆ng bơ̆ jang ‘lơ̆ng kơ khul Kơdră tang măt Kuô̆k hô̆i.

VOV4.Bahnar - ‘Năr 12/4, Anih jang kơ Khul kơdră teh đak ‘nao đei hla ar chih tơlĕch nơ̆r pơtho đơ̆ng Thủ tướng teh đak găh tơdrong tơplih ming năr bơ̆ jang ăn dôm năr pơdơ̆h lêh Tơblăh jơnei ‘năr 30/4 păng Năr Apŭng plenh teh kơ bơngai jang 1/5 sơnăm 2024.

VOV4.Bahnar - EVNCPC pơtho ăn dôm anih jang akŏm jơhngâm, tơlĕch jang mă ‘lơ̆ng dôm trong jang pơm hơtŏk tơdrong pơtruh unh điên sơđơ̆ng ‘lơ̆ng ăn tơmoi.

VOV4. Bahnar - Khul ƀô̆ đô̆i so pơlei tơm Buôn Ma Thuột (Đắk Lắk) hrei au đei hloh 8.000 ‘nu, lơ̆m au vă jê̆ 2.700 ‘nu ‘noh bơngai đảng viên, hăm dang 600 ‘nu bơngai kon kông. Dôm sơnăm au ki, rim đảng viên bơngai Êđê ling lang atŏk kơtang hơnăp jang pơm jŭk yŭk trong hơlau lơ̆m choh jang sa atŏk tơ iung mŭk drăm-xut xa pơngot rơvĕt, đei jing dôm bơngai jang sa gơ̆h hơgei đei iŏk yua kơjăp hloh. ‘Ngoăih pơm pơdrŏng ăn kơ dih, đe sư oei iung jang kơtang tơgŭm djru lơ bơngai anai lơ̆m khul păng kon pơlei vang choh jang sa, tơgop tơ iung pơjing pơlei pơla roi năr roi pơdrŏng ‘lơ̆ng liĕm.

VOV4.Bahnar – Anih tơm Kŏng thương ‘nao pơtruh hla bar ăn Anih jang Kŏng thương dôm dêh char, pơlei tơm lơ̆m Trung ương păng Anih tơm jang Unh hơyuh Việt Nam (EVN) gah tơdrong hơtŏk kơtang pơm kiơ̆ Tơchơ̆t 20/CT-TTg đơ̆ng Thủ tướng teh đak gah tơdrong hơtŏk mong ƀiơ̆ unh hơyuh lơ̆m jăl sơnăm 2023-2025.

VOV4.Bahnar - Jang kiơ̆ trong pơkăp bơ̆ jang kơ Hơnih chĕp pơgơ̆r Kuô̆k hô̆i, giĕng au ki, Kơdră chĕp pơgơ̆r Kuô̆k hôi Vương Đình Huệ pơm tơm jơ bơ̆ jang hăm Hơnih vei lăng Kon kông păng rim Hơnih bơ̆ jang kơ Kuô̆k hô̆i găh lăng hơlen pơtôch bơ̆ jang khei 3 păng Jăl I; drơ̆ng mĭnh nơr tơlĕch jang kiơ̆ mĭnh ƀar tơdrong jang tơm lơ̆m khei 4 păng Jăl II.

VOV4. Bahnar - Đĭ jăl I sơnăm 2024, dêh char Gia Lai ‘nao lăp tơlĕch kon jên jang đei 5,1% trong pơ prŏ jang kon jên teh đak tơmơ̆t jang. ‘Nau jĭ tơdrong lăng kăl hloh tơ̆ ‘măng hop akŏm trư̆k tuyên hơlen dơ̆ng tơdrong jang muk drăm-tơpôl kơ yuơ Hơnih vei lăng kon pơlei dêh char Gia Lai pơgơ̆r.