VOV4.Bahnar - Công ty jang unh điên Đắk Lắk păng plei M’riu, xăh Cư Huê, apŭng EaKar ‘nao pơgơ̆r pơtôch 20 sơnăm pơm pô̆ ƀăn.

VOV4.Bahnar – Ƀơ̆t tơbăt 83 sơnăm Năr Bơngai sơnăm ‘lŏ Việt Nam (6/6) păng pơtơm “Khei pơm jang kơyuơ bơngai sơnăm ‘lŏ Việt Nam” sơnăm 2024, dêh char Đăk Lăk hlôi đei lơ tơdrong jang kăp gĭt, vei lăng bơngai sơnăm ‘lŏ tơ̆ tơring.

VOV4.Bahnar - Tơ̆ dêh char Gia Lai, rim hnam trương jăl pêng tŏk bŏk kơrŭn đĭ ai pơtho ming dơ̆ng ăn hŏk tro năm pơlong lĕch ‘măng khoă jăl pêng Teh đak sơnăm ou iŏk đei jơnei kơtang hloh, mă kăl hăm hŏk tro kon kông, hŏk tro oei tơ̆ tơring tơnap tap.

VOV4.Bahnar - Tơdrong jang bơ̆jang kiơ̆ pơm 3 ‘măng, pơjao 100 pơbe yŏng asong ăn kơ 30 ŭnh hnam bơngai kon kông tơ̆ dôm pơlei tơ̆ dêh char Đắk Lắk.

VOV4.Bahnar – Dêh char Đăk Lăk tŏk bŏk hơmet ăn tôm tơdrong kăl gah tơmam drăm păng asong bơngai jang hơmet ăn ‘măng pơlong tôt ngĭp THPT sơnăm 2024 gơh tơnăp hloh.

VOV4.Bahnar - Lơ apŭng groi kông kơ dêh char Bình Định oei bơ̆ jang jang tơdrong jang tơm kơ teh đak atŏk tơiung mŭk drăm tơpôl tơ̆ tơring kon kông păng groi kông. Khei ‘nărr âu ki, đảng viên, bơngai đei bưng ai tih tơ̆ dôm apŭng lơ̆m dêh char Bình Định hơtŏk tơdrong tơroi tơbăt kiơ̆ lơ trong, tơgŭm ăn kon pơlei băt hơdăh hơnăp jang, tơdrong gĭt kăl đơ̆ng tơdrong jang ‘nâu.

VOV4.Bahnar - Hloh 1 triu ‘nu bơngai tơnap tap oei tơ̆ rim dêh char Tŏk bŏk-Tây Nguyên hlôi đei tơgum djru lơ̆m 6 khei blŭng sơnăm au (2024), ‘noh nơ̆r tơbăt tơ̆ hop akŏm pơtôch bơ̆ jang Khul chư pơglang ƀrê rim dêh char tơring tơmăn Tŏk bŏk-Tây Nguyên (Khul pơting dih băl kơsô̆ 6) pơgơ̆r pơgê năr 3/6 tơ̆ Dak Lăk.

VOV4.Bahnar - Giĕng au ki tơ̆ “măng hop akŏm mă 7, Kuô̆k hô̆i jăl XV, lơ kơdră tang măt lăng truh tơdrong găh lơ tơdrong nhen rơgoh ‘lơ̆ng tơmam drăm sa, tang găn ŭnh sa đô̆h, pơtho hŏk dơ̆ng, tơ iung pơjing tơring tơrang ‘nao. Rim kơdră tang măt athei kăl đei trong jang ‘lơ̆ng hơ iă hloh dơ̆ng lơ̆m bơ̆ jang tang găn ŭnh sa đôh, vei lăng kĕ ‘mê̆ ‘mach, tang găn ưh kơ rơgoh tơmam drăm.

VOV4.Bahnar - Tơdrong jang “Bơbŭng hnam Công đoàn” yoa Liên đoàn Lao động dêh char Đắk Lắk tơlĕch dôm sơnăm âu ki hlôi đei bơ̆ jang kiơ̆ ‘lơ̆ng tơ̆ jơ̆p tơring, tơƀôh hơdăh jơhngâm đon ‘mêm mơnat băl đơ̆ng đe đoàn viên, công nhân, bơngai jang. Kiơ̆ đơ̆ng tơdrong jang ‘nâu, lơ “Hnam Công đoàn” đei man, tơgop jang đei tơdrong hơpơi ‘mĕh đei hnam oei ‘lơ̆ng, bơ̆ jang sơđơ̆ng mĭnh anih, tơ̆k hơdăh đon lui ăn lơ unh hnam bơngai jang đei tơdrong arih xa pơmat tat.

VOV4.Bahnar - Kiơ̆ đơ̆ng dôm trong jang rơgei, tôch đei yoa, apŭng Ea Kar, dêh char Đắk Lắk hlôi jang kĕh tơdrong tơgŭm man hnam ăn dôm unh hnam tơnuh găh Tơdrong jang 1 đơ̆ng tơdrong jang tơm kơ teh đak atŏk tơiung mŭk drăm, tơpôl tơ̆ tơring kon kông păng groi kông (1719) đơ̆ng 2021-2030.