VOV4.Bahnar - Dôm sơnăm âu ki, mă đơ̆ng jên, tơmam ưh kơ đei lơ, dêh char Dak Lak hlôi vei lăng ‘lơ̆ng pơ đĭ găh tơmam drăm hăm jơhngơ̆m đon ăn ŭnh hnam teh đak tơgŭm, bơngai đei kŏng lơ̆m tơring. Kiơ̆ đơ̆ng pơm tơ jur ƀiơ̆ tơdrong ơh sơ ‘ngon yua đơ̆ng tơblăh vang, tơgŭm dôm ŭnh hnam đei tơdrong arih sa roi ‘năr roi ‘lơ̆ng hloh.

VOV4.Bahnar - Tơbăt Năr Bơngai rơka lôch dŏng teh đak, lơ̆m teh đak đei lơ tơdrong jang năm ngôi, pôk tơmam drăm ăn ŭnh hnam đei iŏk yua ăn kĕch mang.

VOV4.Bahnar - Kiơ̆ nơ̆r athei đơ̆ng Hơnih tơm Pơprŏ tơdrong jang păng Tơmơ̆t jên jang, Kơ iĕng Thủ tướng Trần Lưu Quang, Kơdră chĕp pơgơ̆r Hơnih pơrô̆ jang Trung ương rim Tơdrong jang tơm Teh đak jăl jang 2021 – 2025 hlôi tơlĕch jang kiơ̆ Trong pơprŏ va wjang dăr lăng, lăng hơlen tơdrong jang kiơ̆ Tơdrong jang tơm Teh đak kơ Hơnih chĕp pơgơ̆r Trung ương sơnăm 2023 tơ̆ 3 tơring: Tơring Tơmăn păng Groi kông Bắc Bộ, Tơring Tơmăn Tŏk bŏk păng tơring Tây Nguyên păng tơring Tơmăn đak kroong Cửu Long. Giĕng au ki, Khul hlôi bơ jang tơ̆ dêh char Đak Lăk.

VOV4.Bahnar – Khei 7 - Tháng pôk bơnê kơ đe linh lôch dŏng teh đak, tơ̆ dôm pơsat ƀlŏk tơbăt, anih gru gra kơ hnưr hơrih tơ̆ dêh char Quảng Trị, kơ rơbăn linh so, ‘nhŏng oh linh lôch dŏng teh đak păng tơmoi chôt vih plang hlôt nhang, pơkao ƀlŏk tơbăt kơ dôm bơngai hlôi lôch plang kơyuơ tơdrong hiôk hian ăn hơdrung hơdrĕch. Kơ rơbăn ‘nu linh lôch dŏng teh đak tŏk bŏk đei pơdơh pơdei tơ̆ 72 pơsat ƀlŏk tơbăt lơ̆m tơring teh kơ dêh char Quảng Trị.

VOV4.Bahnar - 6 khei blŭng sơnăm, Anih vei lăng bơngai jang xa, linh jĭ rơka păng tơpôl bơ̆ jang tơdrong tơgŭm hơnơ̆ng ăn hlŏh 1 triu 130 rơbâu ‘nu bơngai đei kŏng hăm kăch mang, hăm kơsô̆ jên dang 14.000 ti.

VOV4.Bahnar - Lơ̆m 5 sơnăm au ki, tơdrong hơrih sa kơ bơngai măt tol oei tơ̆ Đak Lăk roi năr roi sơđơ̆ng, tơgop pơm tơjur hloh 4% ŭnh hnam dơnuh ‘nŏh bơngai măt tol. 

VOV4.Bahnar - Vei lăng năng tông tơdrong arih xa găh tơmam drăm păng jơhngâm đon ăn dôm bơngai đei kŏng hơnơ̆ng đei khul kơdră pơgơ̆r plt Đà Nẵng bơ̆ jang ‘lơ̆ng, hăm lơ trong jang nhen khăm hơmet jĭ, hơpăh tơmam, man ăn hnam oei.

VOV4.Bahnar – Rim anih jang tơ̆ dêh char Gia Lai tŏk bŏk hơtŏk tơroi gah tơchơ̆t ƀao hiêm hơmet jĭ jăn, hơdrin truh đĭ sơnăm 2023, kơsô̆ bơngai răt ƀao hiêm hơmet jĭ jăn đei pơhlom 90%. Jô̆ truh khei 7/2023, jâ̆p dêh char Gia Lai đei pơhlom 1 trĭu 290 rơbâu ‘nu bơngai (90% kơsô̆ măt kon pơlei) vang răt ƀao hiêm hơmet jĭ jăn.

VOV4.Bahnar – Pơgê năr 19/7, Ƀok Kơdră teh đak bơ̆n Võ Văn Thưởng atŭm hăm kơdră kơpal kơ Đảng păng Teh đak hlôi truh 'măn kơvang pơkao, plang hlôt nhang tơbăt hăm đe Linh lôch dŏng teh đak tơ̆ Côn Đảo.

VOV4.Bahnar - Ƀlep ƀơ̆t tơbăt 76 sơnăm Năr Lĭnh jĭ rơka lĭnh lôch dŏng teh đak (27-7), Anih vei lăng kon pơlei dêh char Dak Lak hlôi ‘măn jên hloh  6 ti hlak jên vă asong tơmam ăn dôm ŭnh hnam teh đak tơgŭm.