Lơ̆m dôm sơnăm ou ki, kang ƀô̆ khul linh tơ̆ Kơđông linh vei lăng sơlam teh đak dêh char Kon Tum đei lơ tơdrong jang tơnăp tơgŭm kon pơlei hơtŏk mŭk drăm unh hnam. Đơ̆ng blŭng sơnăm 2025 truh dang ei rok kiơ̆ jăl trong sơlam hơtaih hloh 292km tơkuh hăm teh đak Lào păng Campuchia, kang ƀô̆, khul linh vei sơlam teh dêh char Kon Tum atŭm jơhngơ̆m sut lê̆ hnam hyah hyok, hnam pơgia, tơgŭm ăn kon pơlei sơđơ̆ng jơhngơ̆m pơm jang.

Ưh hơdrô̆ tơgop jơhngơ̆m atŭm hăm jơnŭm pơgơ̆r tơring dah hrôih keh đang tơchơ̆t jang sut lê̆ hnam hyah hyok, hnam pơgia, kang ƀô̆ khul linh vei sơlam teh oei pơkăp tơgŭm kon pơlei man đei hnam hăm kơjăp kăp hloh kơsô̆ jên Teh đak tơgŭm. Hơdah noh hơvơn tơdrong tơgop jên đơ̆ng kang ƀô̆, khul linh, rim anih jang mŭk drăm, rim anih jang 'mêm bơnat tơra tơgop, pơm thoi yơ rim tŏ hnam đei man đei kơjă đơ̆ng 85 truh 90 triu hlj tŏk tơ̆ kơpal.