Lơ̆m kơsô̆ âu, đei 6.191 tŏ hnam man ‘nao păng 1.440 tŏ hnam pơm hơmet ming. Kiơ̆ trong tơlĕch jang, dêh char Gia Lai gô tơgŭm 8.155 ŭnh hnam sut hnam pơgia, hnam hiah hiok. Lơ̆m noh, đei 6.562 ŭnh hnam đei man ‘nao păng 1.593 ŭnh hnam đei pơm hơmet ming. Akŏm jên ‘noh hloh 441 ti hlak jên. Mĭnh pôm hnam man ‘nao đei tơgŭm 60 triệu hlak jên; hnam pơm hơmet ming đei tơgŭm 30 triệu hlak jên.

Ƀok Dương Văn Tuấn, Kơdră chĕp kơ̆l Anih vei lăng xăh Ia Piar, mĭnh lơ̆m dôm xăh chông hơdrol tơdrong jang sut hnam pơgia tơ̆ apŭng Phú Thiện, roi tơbăt; pơđĭ khŭl jang chĭnh trĭ vang jang hăm kon pơlei vă jăh đang tơdrong jang. Tơdrong tơlĕch jang tơdrong jang sut hnam pơgia, ưh khan lăp hơmet ‘lơ̆ng ‘meh vă oei sa sơđơ̆ng ăn kơ hloh 8000 ŭnh hnam, mă oei tơgop bơ̆jang kiơ̆ tơdrong hơgăt tơ jur dơnuh păng vei sơđơ̆ng tơdrong hơrih sa tơpôl lơ̆m dêh char Gia Lai.