Đơ̆ng rŏng 9 sơnăm tơlĕch jang Tơdrong jang 939 “ơgŭm djru drŏ kăn pơjing tơdrong jang” rim khul drŏ kăn lơ̆m dêh char hlôi iung jang hơdoi pơih 168 lăm pơtho pơhrăm găh trong mơdro sa, vei lăng, pơjing trong vă jang păng chă tŏk iŏk kon jên ăn rơbou ‘nu bơngai drŏ kăn lơ̆m khul. Lơ măng pơgơ̆r pơma dơnuh đei pơgơ̆r vă pơjing rơvơn ăn pơmai oh chă pơma dơnuh dih băl, tơbăt dih băl trong jang hơ iă. Khul jei pơjing 5 khul dro kăn jang mơdro sa, tơgŭm djru pơjing 4 hơnih mơdro sa păng vă jê̆ 90 hơp tak xah, khul jang hơdoi kơ yuơ bơngai drŏ kăn pơm tơm; tơgŭm djru hloh 4.700 ‘nu drŏ kăn tŏk iŏk jên jang păng hơnhăk tơmam drăm tĕch mơdro lơ̆m hơnih tĕch mơdro điên tư. Hop akom jei sơkơ̆t hơdăh trong tơgŭm djru drŏ kăn tơ iung pơjing tơdrong jang tơklep hăm Tơdrong jang “Mĭnh tơring đei mĭnh Tơmam drăm”, adoi tơlĕch ăn trong jang tơgum djru păng trong jang pơm pơkeh tơdrong vă jang truh ou kơnh.