Tơ̆ thĭ trơ̆n Ia Ly, khul pơm jang hlôi pơtơm ming man hnam 'Mêm kơ-eng đei kơjă 80 triu hlj ăn kơ oh Rơ Châm Quyên – hŏk tro hin dơnuh ưh đei teh choh jang, mĕ ƀă năm jang kơ đe chă xa jên hơpah. Ƀok Kơdră Đỗ Văn Chiến hơpơi 'meh hnam 'nao gô jing tơdrong tơm tơgŭm unh hnam oh sơđơ̆ng tơdrong hơrih, klaih đơ̆ng hin dơnuh. Tơ̆ xah Ia Ka, khul pơm jang adoi kăt che iŏk yua cham teh ƀơlŏng đei kơjă 150 triu hlj, ming hơmet Rông păng hnam hơkŭm joh ayŏ kơ pơlei pơla hăm jên huach 80 triu hlj, asong ăn 5 anih chô̆ pơih wifi.

Atŭm năr 'noh, khul pơm jang truh hơpong ngôi, asong tơmam ăn kơ Yă đei hơnăn Mĕ Việt Nam Nuih mơng Lê Thị Thọ (93 sơnăm), oei tơ̆ pơlei tơm Pleiku, tơƀôh tơdrong pôk bơnê kăp gĭt hăm đe mih ma duch nă 'lŏ sơnăm hlôi plang ăn teh đak.