Kơdră Quốc hội pơma hơdăh, athei chih hơdăh jơnăr pơm hla ar yoa Khul kơdră  teh đak hơgăt, atŭm hăm ‘nŏh hơnơ̆ng pơm tơjur ƀiơ̆ tơdrong pơm lơ hla ar găh tơdrong man hnam oei lơ̆m tơpôl, vă gơ̆h pơm hrĕnh, hiôk hian; athei pơm hơdăh trong vei lăng, pơm ‘lơ̆ng ăn hnam oei lơ̆m tơpôl đei man kơjăp ‘lơ̆ng ngăl; chih tơlĕch dơ̆ng trong dăr hơlen, lăng hơlen tơdrong ‘lơ̆ng mưh man đang.

Bơngai bu athei chĭu pŭ mưh hnam ưh đei kơjăp ‘lơ̆ng? Anih tơm vei lăng ming man dăh mă Anih vei lăng kon pơlei dêh char, plt? Athei chih mă hơdăh, veh ver tơdrong mưh đei tơdrong ‘nŏh ưh đei bu chĭu pŭ; atŭm hăm ‘nŏh athei pơm ‘lơ̆ng ăn tơdrong tang găn unh xa đôh tơ̆ dôm tơdrong jang man hnam oei lơ̆m tơpôl.