Kiơ̆ roi tơbăt, hloh 205 rơbâu tŏ hnam pơgia păng hnam hiah hiok hlôi đei tơgŭm sut hŭt. Mă loi ‘noh, 21 dêh char, pơlei tơm găh trung ương đĭ ưh pă đei hnam pơgia. Vă hơnơ̆ng hơtŏk dôm jơnei hlôi iŏk đei păng kơkuh chơt hơiă tơbăt 80 sơnăm kach mang khei 8 jơnei kŭm nhen Quốc khánh teh đak 2/9, Thủ tướng athei dôm anih jang kơpal kŭm hăm dôm tơring hơtŏk loi dơ̆ng chĕp kơ̆l pơgơ̆r păng tơlĕch jang pran kơtang tơdrong jang pơjei băl “Vang tơgŭm sut hnam pơgia, hnam hiah hiok lơ̆m teh đak lơ̆m sơnăm 2025".

Tơdrong hơgăt tơm ‘noh jĭ jang đang tơdrong sut hnam pơgia lơ̆m teh đak hơdrol kơ ‘năr 31/8/2025. Tơdrong jang tơlĕch jang athei vei sơđơ̆ng kiơ̆ tơdrong kăl “6 rơđăh (rơđăh bơngai, rơđăh tơdrong, rơđăh hơnăp jang, rơđăh tơdrong gơh jang, rơđăh khei ‘năr păng rơđăh đei yua) kŭm hăm “4 tơpă” (pơma tơpă, jang tơpă, đei yua tơpă, kon pơlei sa yua tơpă).