Lơ̆m noh, đei hloh 1.500 tŏ hnam man ‘nao păng vă jê̆ 450 tŏ hnam đei pơm hơmet ming. Kon Rẫy păng Đăk Hà jĭ 2 apŭng mă blŭng jang đang tơdrong hơgăt âu. Dêh char tơlĕch tơdrong hơgăt truh hơtuch khei 6 gô jang đang tơdrong sut hnam pơgia ăn kơ 2.740 ŭnh hnam kon pơlei. Mă lei, dang ei oei 786 tŏ hnam tŏk bŏk man, găh lơ tơ̆ dôm apŭng Đăk Glei, Kon Plông, Tu Mơ Rông.

Tơdrong jang oei lơ pơmat tat nhen tam mă đei klăih song hloh 5 ti hlak jên tơgŭm hnam oei ăn kơ bơngai đei kŏng; 1,2 anih jang tam mă pơtruh 13 ti hlak jên hlôi pơkăp; Đăk Glei ưh kơ măh bơngai jang tơgŭm. ‘Ngoăih kơ ‘noh, lơ̆m kơplăh dăr hơlen, đei ƀôh dơ̆ng hloh 1.300 ŭnh hnam đei ‘meh vă kăl kơ đei tơgŭm găh hnam oei vă sơđơ̆ng tơdrong hơrih sa đunh đai.