VOV4.Bahnar - Năr blŭng ‘măng hop akŏm mă 7, Kuôk hô̆i jăl XV, Kuô̆k hô̆i hlôi bơ̆ jang keh đang găh kơdră kơpal kơchư̆k Kơdră chĕp pơgơ̆r Teh đak păng Kơdră chĕp pơgơ̆r Kuô̆k hô̆i. Rim kơdră tang măt Kuô̆k hô̆i hăm bơngai tăh hla lơ̆m teh đak jei tơbăt jơhngơ̆m đon hơmĕng lơ̆m khei năr kơnh, Kơdră chĕp pơgơ̆r teh đak Tô Lâm hăm Kơdră chĕp pơgơ̆r Kuô̆k hô̆i Trần Thanh Mẫn gô atŭm hăm Hơnih tơm Chinh trĭ, Ban Bí thư, Khul kơdră chĕp pơgơ̆r Trung ương, Khul kơdră chĕp pơgơ̆r Kuôk hô̆i kơrŭn đĭ ai yak hloh tơnap tap, jang keh đang ‘lơ̆ng tơdrong jang kơ Đảng, Teh đak păng Kon pơlei pơjao ăn.

VOV4.Bahnar - "Tơdrong tơchơ̆t pơkăp găh kơjă teh kăl kăl hơmet pơ ‘lơ̆ng tơdrong tơchơ̆t hlôi đei ƀôh hơdăh yan au ‘noh ƀlep, jang kiơ̆ sơđơ̆ng, păng dôm trong jang hle, trong jang kăl lơ̆m Khôi luơ̆t Groi teh sơnăm 2024".

VOV4.Bahnar - Kiơ̆ đơ̆ng dôm ‘măng tơƀơ̆p pơma dơnuh hăm bơngai tăh hla, dôm Khŭl tang măt Quốc hội tơ̆ tơring Tây Nguyên hlôi chih iŏk lơ nơ̆r tơgop tôch kơ gĭt kăl. Lơ̆m noh tơdrong jang tang găn sa pơgơ̆m pơjĭp păng tơmơ̆t jên jang pơm trong nơnăm ‘noh jĭ 2 tơdrong kăl kơ lăng truh tơ̆ dôm jơ tơƀơ̆p bơngai tăh hla tơ̆ Lâm Đồng păng Đắk Lăk lơ̆m giĕng âu ki.

VOV4.Bahnar - Kơsơ̆ 17/5, Thủ tướng Phạm Minh Chính pơgơ̆r ‘măng hop akŏm găh tơdrong tơlĕch jang, bơ̆jang kiơ̆ Tơdrong jang “Tơmơ̆t jên jang man tŏ sĕt hloh 01 triệu tŏ hnam oei tơpôl ăn bơngai iŏk yua tŏ sĕt, kŏng nhân hơnih jang kơmăy kơmŏk jăl jang 2021-2030”.

VOV4.Bahnar -  Kơsơ̆ 14/5, Kơdră pơgơ̆r Anih vei lăng hơdrĕch kon kông Hầu A Lềnh bơ̆ jang hăm Anih vei lăng kon pơlei dêh char Cao Bằng găh tơdrong jang xa, tĕch mơdro, tơmât jên jang đơ̆ng teh đak, man anih jang, trong nơnăm, tĕch mơdro hăm teh đak đe păng bơ̆ jang dôm tơdrong jang tơm kơ teh đak.

VOV4.Bahnar - Công an dêh char Đắk Lắk kŭm hăm khul kơdră pơgơ̆r tơring đĭ man kĕh 270 tŏ hnam ăn unh hnam pơmat tat.

VOV4.Bahnar - Bơ̆jang kiơ̆ tơdrong jang hơdrol kơ ‘măng hop akŏm mă 7, Quốc hội jăl XV, kơsơ̆ 9/5, Khŭl tang măt Quốc hội dêh char Gia Lai pơgơ̆r 3 hơnih tơƀơ̆p pơma dơnuh hăm bơngai tăh hla tơ̆ dôm apŭng Đăk Pơ, Ia Pa păng Mang Yang.

VOV4.Bahnar - Jơnŭm ‘long pơglang ƀrê dêh char Gia Lai tơlĕch jang Khei ‘Mêm mơnat 2024 hăm hơnăn “Tơdrong jang ‘mêm mơnat - Pơjao ‘mêm kơ eng”, jang kiơ̆ tơdrong jang “Kơtriê̆u hơyak jơ̆ng ‘mêm kơ eng” hăm tơdrong tơm tơgŭm lơ bơngai đei tơdrong arih sa mơmat tat tơ̆ dêh char Gia Lai păng dôm dêh char Tây Bắc.

VOV4.Bahnar - Pơgê ‘năr brei (8/5) Anih jang ‘Long pơglang brê dêh char Đăk Lăk jang atŭm hăm Anih jang vei lăng kon pơlei p’lei tơm Buôn Ma Thuột pơm lêh pơtơm Khei ‘Mêm bơnat sơnăm 2024 hăm hơnăn: “Hơyak jang ‘mêm bơnat - Pơjao sơng ‘mêm kơ-eng”.

VOV4. Bahnar - Gơnơm tơ iung pơjing tơdrong jang trŏ lăp hăm yan au, hơvơn pơđĭ khul chinh trĭ vang iung jang, kơna tơdrong jang kiơ̆ Tơdrong jang tơjur dơnuh tĕnh koăng, kơjăp ‘lơ̆ng tơ̆ rim tơring Tây Bắc hlôi iŏk đei jơnei hơ iă, ŭnh hnam dơnuh tơjur kơtang, tơgŭm ăn rim tơring jang ‘lơ̆ng troing tơlĕch jang atŏk tơ iung tĕnh koăng, kơjăp ‘lơ̆ng.