Vă tơtom tơgŭm, hơlêm bơngai hin dơnuh, unh hnam tơnap tap gơh sơng puih mak tôm tong hloh, Anih jang 'long pơglang brê dêh char Đak Lăk hlôi jang atŭm hăm dôm anih jang tơgŭm, asong kơ hrĕng tơpu tơmam ăn dôm tơring tơnap tap, tơring kon pơlei kon kông.

Truh khei năr âu, tơ̆ dêh char Đak Lăk hlôi đei hloh 55.200 unh hnam đei asong tơmam têt hăm kơsô̆ jên huach hloh 25 tih hlj. Kiơ̆ kơ yă Nông Thị Thu, Phŏ Kơdră Anih jang Măt trâ̆n tôh kuôk Việt Nam dêh char Đak Lăk 'noh, dêh char vei sơđơ̆ng ăn tôm unh hnam hin dơnuh, unh hnam tơjê̆ hin dơnuh adoi đei iŏk tơmam tơgŭm, vă sô̆ puih mak, sô̆ sơnăm 'nao kiơ̆ trŏ pơkăp “ưh đei prơih lê̆ bơngai yơ tơ̆ rong”.