Hơdah gah Tơchơ̆t kơsô̆ 190, tơbang năr 20/1/2025, Phŏ Thủ tướng Hồ Đức Phớc pơjao ăn Anih tơm jang gah jên hu asong ưh kơ iŏk jên ăn dêh char Kon Tum hloh 105 tơ̆n phe, lơ̆m noh hloh 58 tơ̆n phe tơgŭm ăn kon pơlei ƀơ̆t Têt Nguyên đan Ất Tỵ păng hloh 47 tơ̆n phe tơgŭm ăn kon pơlei ah khei tơjê̆ kăt ƀa blŭng sơnăm 2025.

Đơ̆ng rŏng kơ Jơnŭm pơgơ̆r teh đak tơchơ̆t asong hloh 105 tơ̆n phe tơgŭm ăn jê̆ 2.300 unh hnam kon pơlei ah Têt Nguyên đan Ất Tỵ păng ah khei tơjê̆ kăt ƀa blŭng sơnăm 2025, dêh char Kon Tum pơtơm sơng iŏk phe păng tơgŭm ăn kon pơlei tơtom hloi, trŏ bơngai, trŏ tơchơ̆t hơdrol kơ Têt Nguyên đan Ất Tỵ 2025. Atŭm hăm dêh char Kon Tum, ƀơ̆t 'măng âu Jơnŭm pơgơ̆r teh đak adoi tơchơ̆t asong ăn hơkŏp hloh 2.500 tơ̆n phe đơ̆ng anih răk mong kơ teh đak vă tơgŭm ăn kon pơlei dôm dêh char:  Hà Giang, Cao Bằng, Ninh Thuận, Đak Lăk, ah Têt Nguyên đan Ất Tỵ păng ah khei tơjê̆ kăt ƀa blŭng sơnăm 2025.