Tơ̆ pơgơ̆r, Kơ iĕng Kơdră chĕp pơgơ̆r Kuô̆k hô̆i chơt hơ iă mưh băt  jơ ‘năr Têt Nguyên đán Ất Tỵ 2025, atŭm hăm kla ăn kon jên khei, jên hơpăh, sơđơ̆ng hơrih sa ăn kŏng nhân bơngai jang, dêh char Kon Tum klăh asong pôk ăn 2.700 tơnô̆ tơmam drăm tơgŭm ăn bơngai jang ŭnh hnam tơnap tap hăm kơjă kơjên 1 ti 350 triu hlak jên. Kơ iĕng Kơdră chĕp pơgơ̆r Kuô̆k hô̆i sơkơ̆t hơdăh, Đảng, Teh đak, Kuô̆k hô̆i ling lang lăng ba, vei lăng năng tông tơdrong hơrih sa ăn kŏng nhân kang ƀô̆ bơngai jang. Tơ̆ Pơgơ̆r “Têt hmơ hmêu-Puih mak bơnê kơ Đảng”, Kơ iĕng Kơdră chĕp pơgơ̆r Kuôk hô̆i Trần Quang Phương hlôi pôk ăn hloi tơmam drăm ăn 50 ‘nu kŏng nhân bơngai jang tơ̆ dêh char Kon Tum ŭnh hnam hơrih sa tơnap tap.