Jang kiơ̆ Tơdrong jang “Mĕ hơđơ̆ng” kơ yuơ Trung ương Khul drŏ kăn Việt Nam tơlĕch, truh dang ei tơ̆ Dak Lăk hlôi đei 870 ‘nu hơ ioh mơti mơtĕk đei iŏk pơm kon hơđơ̆ng păng hloh 2.000 ‘nu hơ ioh đei tơgŭm djru tơmam drăm, hơlêm jơhngơ̆m hăm lơ trong pơgơ̆r phara dih băl, hăm kon jên vă jê̆ 10 ti hlak jên. Tơ̆ pơgơ̆r rim đe oh hlôi pơma dơnuh hăm mĕ hơđơ̆ng, tơroi tơbăt jơhngơ̆m đon kơdih hăm dôm bơngai tŏk bŏk vei lăng năng tông, tơgŭm djru bơ̆n. Jơ ‘năr ou, Khul pơgơ̆r hlôi pôk ăn 66 tơnô̆ tơmam drăm pôk ăn rim hŏk tro hŏk hơgei; Tơgoăt hăm rim khul jang, rim bơngai, bơngai đei jơhngơ̆m đon ‘lơ̆ng iŏk pơm mĕ ƀă hơđơ̆ng hăm 9 ‘nu hơ ioh tơnap tap, hơnơ̆ng lang să jơhngơ̆m đon ‘mêm kơ eng, tơdrong tơgŭm djru găh tơmam drăm păng jơhngơ̆m đon, pơjing đei jơhngơ̆m pran tơgŭm ăn rim đe oh kĕ yak hloh tơnap tap, hơdrin lơ̆m hŏk pơhrăm păng hơrih sa.