VOV4.Bahnar -‘Năr 3/5, tơ̆ Hnam Quốc hội, Anih jang găh Joh ayŏ, Pơtho pơhrăm pơgơ̆r ‘Măng hop akŏm đĭ đăng ‘măng mă 7, pơma dơnuh, tơgop nơ̆r lơ̆m Tơdrong jang tơm teh đak găh hơtŏk tơiung joh ayŏ jăl jang 2025 - 2035.

VOV4.Bahnar -  Pơgê 3/5, Anih jang Đảng dêh char Kon Tum pơgơ̆r Hop akŏm pơtôch 3 sơnăm bơ̆jang kiơ̆ ‘Măng krao hơvơn “pơm tơplih đon tơchĕng, trong jang đơ̆ng kon pơlei kon kông, pơm ăn kon pơlei kon kông yak tŏk klăih đơ̆ng dơnuh hin kơjăp”.

VOV4.Bahnar - Hơiă ƀât năr lêh 1/5, tơ̆ dôm dêh char Tây Nguyên păng jơ̆p lơ̆m teh đak tơlĕch lơ tơdrong jang tôch gĭt kăl vă vei lăng, năng tông đe đoàn viên, bơngai jang đei tơdrong arih xa pơmat tat:

VOV4.Bahnar - Năr 17/4 au ki, tơ̆ ‘măng hop akŏm mă 32, Hơnih bơ̆ jang Kuô̆k hô̆i hlôi drơ̆ng nơ̆r pơtruh ăn Kuô̆k hô̆i lăng hơlen, kĭ tơchơ̆t tơdrong jang tơmơ̆t jênj jang Tơdrong vă jang tơmơ̆t jên jang ming man trong gre rĕnh Tu-Pơbăh găh Pơmơ̆t jăl trong Gia Nghĩa (Dak Nông) - Chơn Thành (Bình Phước) tơ̆ ‘Măng hop akoưm mă 7 truh au kơnh. ‘nau jĭ tơdrong vă jang pơm trong kăl hloh, pơjing ăn atŏk tơ iung ‘nao, jơhngơ̆m pran atŏk kơtang atŏk tơ iung mŭk drăm-tơpôl, sơđơ̆ng Teh đak, sơđơ̆ng tơring Đông Nam Bộ păng Tây Nguyên. Tơ̆ dêh char Dak Nông, khul kơdră chĕp pơgơ̆r păng kon pơlei tŏk bŏk gô chang tơdrong vă jang păng dêh char jei tŏk bŏk hơmet ăn vă tơlech jang mưh đei kĭ tơchơ̆t.

VOV4.Bahnar - Pơgê brei (26/4), tơ̆ Hơnih tơm Joh ayŏ kơdŏ soang Tơgoăt tơgoăl Việt - Xô tŏk bŏk pơgơ̆r pơm Lêh tơlĕch jang Khei iung jang Sơđơ̆ng bơ̆ jang păng Khei kŏng nhân sơnăm 2024.

VOV4.Bahnar - Dôm grŭp tơdrong ƀơm truh tơdrong jang, jên khei, tơdrong arih xa kơ bơngai jang ‘nŏh jĭ tơdrong tơm đei bơngai tăh hla tơ̆ plt Buôn Ma Thuột pơma truh lơ̆m jơ tơƀâp bơngai tăh hla hăm Khul tang măt Quốc hội dêh char Đắk Lắk.

VOV4.Bahnar - Thiếu tá Hoàng Tiến Dũng (42 sơnăm) bơngai ƀô̆ đô̆i kơ Hơnih chĕp pơgơ̆r Khul ƀô̆ đô̆i thĭ xah Buôn Hồ (Dak Lăk) hơnơ̆ng hŏk pơhrăm, chă tơchĕng hơlen, tơchăr vă jang keh đang tơdrong jang pơjao. Hăm jơhngơ̆m đon hưch hnah kmăi kmŏk kơtơ̆ng ang, ‘nhŏng hlôi chih phần mềm “Vei lăng tơdrong jang ƀrơ̆m phao kơtoang”, "Vei lăng chih hơnăn apŭng mơ̆t pơm ƀô̆ đô̆i păng kon pơlei iung yak mơ̆t pơm ƀô̆ đô̆i”. Rim phân mêm păng ưng dŭng kơ yuơ ‘nhŏng hăm bôl boăl pơjing hlôi păng tŏk bŏk đei iŏk yua kơtang lơ̆m yan au, tơgop pơm hơtŏk iŏk đei jơnei tơdrong jang vei lăng Teh đak.

VOV4.Bahnar - Pơgê 23/4, tơgop nơ̆r mă blŭng ăn Hla ar chih tơroi găh bơ̆ jang dăr lăng kiơ̆ tơdrong jang "Tơdrong jang kiơ̆ trong tơgŭm, khôi luơ̆t vei lăng sơđơ̆ng ‘lơ̆ng tơ̆ trong gre đơ̆ng sơnăm 2009 truh đĭ sơnăm 2023", Anih chĕp kơ̆l pơgơ̆r Quốc hội athei: Akŏm jên hu, tơmam vă tơmât ăn tơdrong ming man, atŏk tơiung trong gre; pơ ‘nhŏ hơdrol jên ăn tơdrong hơmet ming trong gre teh đak păng hơmet dôm anih krê đei gre tâm preh băl.

VOV4.Bahnar - Đơ̆ng sơnăm 2016, Khul kơdră chĕp pơgơ̆r jăl XI Đang ƀô̆ pơlei tơm Pleiku, dêh char Gia Lai tơlĕch Tơdrong tơchơ̆t kơsô̆ 06 vă pơm hơtŏk tơdrng hơrih sa kon pơlei tơ̆ rim pơlei pơla kon kông atŭm hăm atŏk tơ iung tơdrong oei sa joh ayŏ joăt joe, pơjing đei tơdrong ‘lơ̆ng rŏ kơ kon kông tơ̆ tơring. Kiơ̆ kơ ‘noh, pơlei tơm Pleiku hlôi tơmơ̆t jên jang ăn rim pơlei kon kông hloh 50 ti hlak jên vă tơ iung pơjing trong nơnăm, pơtăm ming chehphe, tơgŭm djru rim ŭnh hnam dơnuh, vă jê̆ dơnuh păng tơmơ̆t jên jang pơm pơkeh dôm tơdrong pơkăp lơ̆m oei sa, vei răk tơdrong jang joăt joe sơ̆ ki. Gơnơm đơ̆ng noh, tơdrong hơrih sa kơ rim pơlei kon kông lơ̆m pơlei tơm Pleiku hlôi đei tơplih ‘nao

VOV4.Bahnar - Pơgê năr 22/4, tơ̆ pơlei tơm Điện Biên Phủ, dêh char Điện Biên, Trung ương Jơnŭm jang ‘Long pơglang brê Việt Nam jang atŭm hăm Anih jang vei lăng kon pơlei dêh char Điện Biên pơgơ̆r Lêh Pơtơm Khei pơm jang ‘Mêm bơnat kơ teh đak sơnăm 2024 hăm hơnăn “Hơyak jang ‘mêm bơnat – Pơjao tơdrong ‘mêm kơ-eng”.