VOV4.Bahnar - ‘Năr brei (2/4) Anih tơm vei lăng tơmam drăm păng cham char athei khul jang vang jang hơdoi hăm 2 dêh char Đắk Nông, Đắk Lắk truh dăr lăng teh hơlih tơ̆ đak krong Krông Nô tơtil 2 dêh char.

VOV4.Bahnar – Pơgê năr (01/04), tơ̆ Hà Nội, Anih tơm Chih akŏm hơlen (Anih tơm Asong jang) pơm lêh pơtơm tơdrong Hơlen kơsô̆ măt bơngai păng hnam oei ah tong hơnê̆ jăl jang sơnăm 2024.

VOV4.Bahnar – Đơ̆ng rŏng kơ VOV chih tơroi gah tơdrong jang asong đak sŏ nhă rơgoh tơ̆ Đăk Lăk pơdơh pơm jang, ah hop akŏm hla bar tơroi ah kơsơ̆ năr (1/4), đe Kơdră Anih jang vei lăng kon pơlei dêh char Đăk Lăk pơkăl anih jang kơpal athei tenh kuăng hăt hot hơlen asong jên hơmet dôm anih mong đak hlôi hư răm vă đei đak sŏ nhă rơgoh ăn kon pơlei.

VOV4.Bahnar - Iung pơma pơtôch Hop akŏm lơ̆m teh đak pơtôch tơdrong bơ̆ jang Jơnŭm vei lăng kon pơlei rim dêh char, pơlei tơm găh Trung ương sơnăm 2023 păng tơlĕch trong bơ̆ jang lơ̆m sơnăm 2024, Kơdră chĕp pơgơ̆r Kuô̆k hô̆i Vương Đình Huệ pơma hơdăh, hloh đơ̆ng tơdrong jang yan au đơ̆ng kơdih, Jơnŭm vei lăng kon pơlei hơnơ̆ng tơgop lơ hloh dơ̆ng, kơtang hloh dơ̆ng păng tơnăp hloh dơ̆ng ăn tơ iung pơjing khôi luơ̆t păng tơdrong tơchơ̆t, mă kăl ‘noh rim tơdrong đei ƀơm truh hơrih sa mŭk drăm, tơpôl tơring.

VOV4.Bahnar - Đảng ủy - Khul kơdră chĕp pơgơ̆r Quân đoàn 3 ‘nao pơgơ̆r tơƀơ̆p muh măt tơbăt 49 sơnăm Năr pơjing. Vang năm đei Trung tướng Nguyễn Doãn Anh, Kơdră jang lơ̆m Trung ương Đảng, Kơ iĕng Kơdră jang Pơchoh trong Khul Ƀô̆ đô̆i kon pơlei Việt Nam; Trung tướng Trần Minh Đức, Kơdră chĕp pơgơ̆r Hơnih tơm Kih thuơ̆t; kơdră tang măt mĭnh ƀar hơnih bơ̆ jang Ƀô̆ đô̆i vei lăng sơlam teh đak; Khul kơdră Đảng, Khul kơdră chĕp pơgơ̆r Quân đoàn 3, kơdră so chĕp pơgơ̆r Quân đoàn 3…

VOV4.Bahnar - Tơbăt 93 sơnăm pơjing Đoàn hơdruh tơdăm CS Hồ Chí Minh, lơ̆m ‘năr 26/3 sơnăm mơlôh dêh char Kon Tum hlôi đei lơ tơdrong jang ‘lơ̆ng hơiă.

VOV4.Bahnar - Pơgê 26/3, tơ̆ Hnam Quốc hội, hăm tơdrong pơgơ̆r đơ̆ng Kơdră Quốc hội Vương Đình Huệ, Anih chĕp kơ̆l pơgơ̆r Quốc hội pơgơ̆r Hop akŏm bơngai tang măt jang kơtă lơ̆m Quốc hội ‘măng mă 5, jăl 15 vă pơma nuh găh 1,2 tơdrong tơroi ăn Quốc hội tơ̆ Hop akŏm ‘măng mă 7, Quốc hội jăl 15. 

VOV4. Bahnar - Lơ̆m ‘măng hop akŏm 31 pơgơ̆r giĕng au ki, Hơnih bơ̆ jang Khul kơdră Kuô̆k hô̆i ăn tơgop nơ̆r găh tơdrong tơblang hơdăh, tơgoăt iŏk, hơmet ming 2 tơdrong vă pơjing Khôi luơ̆t đei: Tơdrong vă pơjing Khôi luơ̆t sơđơ̆ng trong nơnăm păng Khôi luơ̆t Trong nơnăm. Hơnih bơ̆ jang Khul kơdră Kuô̆k hô̆i drơ̆ng mĭnh nơ̆r trong jang tơchơ̆t ưh kơ ăn vơ̆r gre yak tơ̆ trong mưh đĭ et tơdrô hơlăk.

VOV4.Bahnar - Pơgê brei (21/3), tơ̆ apŭng Cư M’gar, dêh char Đắk Lắk, Anih tơm vei lăng Công an jang hơdoi hăm Anih chĕp kơ̆l đảng dêh char, Anih vei lăng kon pơlei dêh char Đắk Lắk păng dôm anih tơgŭm jên, roi tơƀôh hnam vă pơm kiơ̆ păng kơsô̆ jên vă man 1.200 tŏ hnam ăn unh hnam tơnuh pơmat tat găh hnam oei tơ̆ dêh char.

VOV4.Bahnar - Nhen Rađiô nơ̆r pơma VN hlôi pơtơ̆ng, kơ rơbâu hectar ‘long pơtăm tơ̆ apŭng Krông Nô, tơring “tŏ pơđang dơnơm” kơ dêh char Đăk Nông tŏk bŏk oei kơƀah đak ruih, ƀơm tŏ phang pơđang kơtang hloh.