'Nâu jĭ tơdrong jang kăp gĭt, Tơbăt 80 sơnăm Năr tơ-iung pơjing Khul linh Kon pơlei Việt Nam. Lơ̆m tơdrong ang jơva nơ̆r chĭng chêng păng tơdra hơsuang, kon pơlei Jarai tơ̆ xah Ia Me, apŭng Chư Prông chơt hơ-iă đei iŏk rông wăn hoă 'nao kơjăp 'lơ̆ng, să 140m², cham ƀê tŏng să 500m2, mah anih akŏm ăn kơ hrĕng 'nu bơngai. Atŭm hăm năr noh, Binh Đoàn 15 adoi pơjao 2 tŏ rông wăn hoă tơ̆ xah Ia Piơr (apŭng Chư Prông) păng xah Ia Pnôn (apŭng Đức Cơ, dêh char Gia Lai). Hơkŏp kơjă pơm rông huach đơ̆ng 3,3 truh 3,5 tih hlj.

Ƀơ̆t 'măng âu, Anih tơm pơgơ̆r Binh Đoàn 15 hlôi pôm hla bar bơnê păng hơpah jên hăm dôm jơnŭm jang hơgei lơ̆m tơdrong vei lăng pơm 'nao rông wăn hoă; pơjao 60 tơpu tơmam ăn đe kră pơlei, kơdră thôn, bơngai đei kon pơlei lui yom, kơdră pơgơ̆r dôm tơdrong khop jang hơgei, unh hnam kon pơlei hin dơnuh păng bơngai jang đei tơdrong hơrih tơnap tap tơ̆ tơring sơlam kơ dêh char Gia Lai.