Kiơ̆ kơ ‘noh, ƀak si oei sơnăm bơ̆jang đơ̆ng 10 sơnăm tơ̆ kơpal păng pơkăp bơ̆jang tôm 5 sơnăm hơnơ̆ng gô đei tơgŭm 1 ‘măng hăm kơsô̆ jên: 500 triệu hlak jên hăm tiến sĩ, 400 triệu hlak jên hăm ƀak si chuên khoa kâp II, 300 triệu hlak jên hăm thạc sĩ dăh mă chuên khoa kâp I; 150 triệu hlak jên hăm ƀak si hŏk đang chính quy.

Hăm tơdrong jang tơgŭm pơtho pơhrăm, ƀak si tŏk bŏk bơ̆jang tơ̆ tơring đơ̆ng rŏng kơ hŏk đang jăl hŏk gô đei tơgŭm: 500 triệu hlak jên hăm hŏk tiến sĩ, 350 triệu hlak jên hăm ƀak si chuên khoa II, 150 triệu hlak jên hăm thạc sĩ dăh mă chuên khoa kâp I. Tơdrong kăl ‘noh jĭ athei hơnơ̆ng bơ̆jang tơ̆ anih jang tŏ sĕt hloh 2 ‘măng khei ‘năr hŏk pơhrăm.