Kiơ̆ kơ noh, rim kang ƀô̆, bơngai jang, bơngai tơgŭm jang tơ̆ xah, rơkah kơyuơ đơ̆ng hơmet anih jang hanh chĭnh, gô đei tơgŭm minh 'măng hơtŏ hăm 50% kơsô̆ jên đei xa kiơ̆ pơkăp lơ̆m Tơchơ̆t kơsô̆ 29/2023 đơ̆ng Jơnŭm pơgơ̆r teh đak. Khei năr tơgŭm noh 5 sơnăm hăm kang ƀô̆, bơngai jang păng 12 khei hăm bơngai jang tơgŭm, jô̆ đơ̆ng mă tơchơ̆t đơ̆ng Anih juăt jang Kuôk hô̆i gah sơkơ̆t hơmet anih jang hanh chĭnh tơ̆ xah kơ dêh char Đăk Lăk đei iŏk yua.

Anih jang Nô̆i vŭ dêh char Đăk Lăk ăn tơbăt: dêh char oei pơtoi chă chih akŏm dôm kang ƀô̆, bơngai jang, bơngai tơgŭm jang tơ̆ xah mă rơkah kơyuơ đơ̆ng pơkăp hơmet anih jang hanh chĭnh tơ̆ xah.