Dôm sơnăm âu ki, kŭm hăm hơdruh tơdăm lơ̆m teh đak, hơdruh tơdăm dôm hơdrĕch kon kông Đắk Lắk hơnơ̆ng tơƀôh hơdăh hơnăp jang, ưh kơ đei pơdơh hŏk pơhrăm, hơdrin yak tŏk lơ̆m tơdrong hơrih sa. Tơ̆ tơdrong jang tơƀơ̆p muh măt, dôm sinh viên hơgei truh akŏm hlôi vang jang lơ tơdrong jang nhen: Soh plang nhang tơ̆ Hơnih soi tơbăt kơ dôm khŭl lĭnh đơ̆ng tơring Pơbăh păng dan pơkao tơ̆ Hơnih man rup Ƀok Hồ; năm lăng Joh ayŏ, Hop akŏm “Pơma dơnuh găh tơdrong ‘lơ̆ng hơiă sinh viên Đắk Lắk lơ̆m tơdrong mơ̆t jang hơdai păng hơtŏk tơiung”, pơma dơnuh “Tơgoăt sinh viên hăm bơngai mơdro sa, anih tĕch mơdro”.

‘Măng âu, Khŭl Sinh viên Việt Nam dêh char Đắk Lắk hlôi pôk pơ ư 50 sinh viên bơngai kon kông gơh hơgei; Pơgơ̆r tơƀôh muh măt Grŭp jang Tơdrong hơiă Sinh viên Đắk Lắk. Grŭp jang đei pơjing vă pơm hơnih pơ ngôi đei yua, tơgŭm đe buăl mơlôh đei tơdrong hiôk chă hơlen lăng păng chĕp vei dôm kơjă kăp gĭt joh ayŏ so kơ hơdrĕch hơdrŭng kơdih.