Kiơ̆ kơ ‘nŏh, tơpu tơmam đei kơjă 500.000 hlak jên ăn 1 ‘nu kăn ƀô̆, bơngai jang ăn teh đak, linh ƀô đô̆i, bơngai đei kŏng păng dôm bơngai kăl đei tơgŭm lơ̆m tơpôl, jên hơpăh truh 1,3 triu hlak ăn 1 ‘nu Mĕ Việt Nam nuih mơng, linh tơblăh kơtang, linh jĭ rơka, linh jĭ jăn. Hơdai hăm ‘nŏh, 138 anih jang, khul linh, công an, anih jang ‘long kŭm iŏk đei tơmam đei kơjă đơ̆ng 3-7 triu hlak.

Kơdră chĕp kơ̆l dêh char oei năm ngôi păng hơpăh 54 tơpu tơmam ăn bơngai đei kŏng rơgei păng dôm anih jang, khul grŭp lơ̆m dêh char. Ƀlep ƀât ‘măng mă âu, Anih MTTQ păng Jơnŭm ‘long pơglang ƀrê dêh char mong akŏm dơ̆ng jên tơmam vă tơgŭm ăn dôm unh hnam tơnuh, unh hnam pơmat tat tơ̆ tơring hơtăih yăih, pơm ‘lơ̆ng vă rim bơngai đei xa Têt chơt hơiă ‘nă hal ngăl.