Sơnăm 2024, bơ̆ jang vei lăng kon kông pơđĭ lơ̆m khul chinh trĭ rim hơnih lăng kơjăp pơrô̆ jang, tơlĕch jang kiơ̆ kơtang, atŭm hăm tơdrong hơdrin đơ̆ng kơ dih kon pơlei kon kông, tơdrong jang kiơ̆ bơ̆ jang vei lăng kon kông, tơdrong tơgŭm djru kon kông lơ̆m sơnăm 2024 hlôi tơgop atok tơ iung mŭk drăm-tơpôl. Tŏk mŭk drăm tơ̆ rim tơring kon kông păng groi kông đei kơtang, lơ̆m ou tơring Tây Bắc tŏk jô̆ hơtŏ 8%, Tây Nguyên tok jô̆ hơtŏ 7,5%, Tây Nam Bộ tŏk jô̆ hơtŏ 7%. Lơ̆m sơnăm 2025, Hơnih bơ̆ jang vei lăng kon kông tơlĕch 12 tơdrong jang tơm. Lơ̆m ou akŏm tơ iung pơjing păng keh đang rim Trong vă jang, trong tơgŭm djru kon kông; pơjing tơplih hơdăh ‘lơ̆ng liĕm lơ̆m jang kiơ̆ Tơdrong jang tơm Teh đak. Iung pơma tơ̆ hop akŏm, Kơ iĕng Thủ tướng Nguyễn Hoà Bình athei rim hơnih kăl akŏm khul jang iung jang kiơ̆ sơđơ̆ng trong tơlĕch jang kơ rim Tơdrong jang tơm teh đak, mă kăl ‘noh Tơdrong jang tơm Teh đak atok tơ iung mŭk drăm - tơpôl kon kông păng groi kông hăm Tơdrong jang tơjur dơnuh kơjăp ‘lơ̆ng.