Hơdah, yă Nguyễn Thị Thu Nguyệt, Ƀĭ thư Thĭ uy Buôn Hồ, đei pôk jang Phŏ Kơdră pơgơ̆r Khul jang tang măt ăn Kuôk hô̆i dêh char Đăk Lăk, jô̆ đơ̆ng năr 6/1/2025. Anih jang Tĭnh uy adoi tơbang tơchơ̆t tơplih, pôk jang hăm yă H'Yim Kđoh, jang lơ̆m Tĭnh uy, Phŏ Kơdră Anih jang vei lăng kon pơlei dêh char, iŏk jang kơchư̆k Ƀĭ thư Thĭ uy Buôn Hồ, jăl jang 2020-2025, pơtơm đơ̆ng năr  6/1/2025.

Yă H'Yim Kđoh adoi đei sơkơ̆t vang jang lơ̆m Ƀan châ̆p hanh Đảng ƀô̆ thĭ xah păng Anih jang Thĭ uy Buôn Hồ. Ƀĭ thư Tĭnh uy Nguyễn Đình Trung thơ thâu hơ-iă păng pôk bơnê hăm dôm tơdrong tơgop kăp gĭt đơ̆ng đe yă Nguyễn Thị Thu Nguyệt păng H'Yim Kđoh lơ̆m tơdrong jang, atŭm hăm noh adoi hơpơi 'meh đe yă hăm kơchư̆k jang 'nao pơtoi iŏk yua tơdrong hơgei po, tơguăt atŭm hăm anih jang pơm jang tơnăp dôm sơnong jang đei pơjao.