Lơ̆m năr ou, Kuô̆k hô̆i jei hop akŏm hơdrô̆ găh tơdrong jang khul kơdră. Tơ̆ ‘Măng hop akŏm hăt hot mă 9, rim kơdră tang măt hôn bơnê kơtang hơnăp jang tơnăp, kơrŭn đĭ ai đơ̆ng Đảng, Kuôk hô̆i, Khul kơdră Teh đak păng tơring lơ̆m tơdrong hơmet ming hơnih jang, pơm kơtoei kang ƀô̆. Kiơ̆ đơ̆ng rim kơdră tang măt kăl tơplih trong chĕp pơgơ̆r, veh ver khul chĕp pơgơ̆r đei dôm “bơngai rơkăh”. Rim kơdră tang măt Kuô̆k hô̆i hôn bơnê kơtang tơdrong akŏm hơmet pơ ‘lơ̆ng khul jang kơ rim hơnih bơ̆ jang Đảng, Kuô̆k hô̆i, Khul kơdră Teh đak păng tơring. Vă xek tơlang, hơmet pơ ‘lơ̆ng rim tơdrong đei ƀôh, Khul kơdră chĕp pơgơ̆r teh đak hlôi tơtom pơjing đei Tơdrong tơchơ̆t kơsô̆ 178 găh trong bơ̆ jang, tơdrong tơgŭm djru hăm kang ƀô̆, bơngai jang păng khul ƀô̆ đô̆i kŏng ang lơ̆m jang kiơ̆ hơmet ming khul jang kơ khul chinh trĭ. Tơdrong tơm ‘noh khul kơdră kơtoei mă lei jei iung jang ‘lơ̆ng, jơnei, bơ̆ jang ‘lơ̆ng hloh dơ̆ng.