Luơ̆t đei 5 chăl, 32 apăng, gô đei yoa đơ̆ng ‘năr 1/3 truh. Pơre hla ar chih akŏm nơ̆r, Kơdră jang lơ̆m Anih chĕp kơl pơgơ̆r Quốc hội Hoàng Thanh Tùng ăn tơbăt, đơ̆ng rŏng kơ mơ̆ng nơ̆r pơma đơ̆ng dôm bơngai tang măt Quốc hội găh pơm ‘lơ̆ng ăn luơ̆t lăp hăm rim khôi luơ̆t nai păng chih hơdăh tơdrong klăih song hơnăp jang tơklep hăm vei lăng ‘lơ̆ng tơdrong chĕp kơ̆l pơgơ̆r păng tang găn tơdrong iŏk yoa tơdrong chĕp kơ̆l kư kă, Anih hlôi chih tơmât dơ̆ng 1,2 trong jang, tơdrong hơgăt ‘nao lơ̆m luơ̆t.

Kiơ̆ ƀok Hoàng Thanh Tùng, dôm trong jang, tơdrong hơgăt kơpal đei chih tơmât vă pơm tơplih trong chĕp kơ̆l pơhgơ̆r, klăih song hơdăh hơnăp jang vă bơ̆ jang kiơ̆ trong jang đơ̆ng Đảng găh hơtŏk tơdrong klăih song hơnăp jang, hơtŏk đon jang tơnăp đơ̆ng bơngai chĕp kơ̆l. Găh noh dơ̆ng hơtŏk đon kơchăng, gơ̆h hơgei, pơ̆n tơchĕng, pơn jang, pơ̆n pŭ hơnăp jang đơ̆ng dôm anih jang lơ̆m khul kơdră teh đak, tơtom hơmet pơ ‘lơ̆ng dôm tơdrong oei tơhlăk găn trong chĕp kơ̆l pơgơ̆r, trong pơm hla ar vei lăng, tưk tơiung jơhngâm pran ăn tơdrong jang tŏk, kơchăng tơjră hăm dôm tơdrong tơplih lơ̆m teh đak păng apŭng plenh teh, yoa tơdrong tơm vă jang tŏk atŭm kơ teh đak, atŭm hăm ‘nŏh chih tơlĕch hrơ̆ch ‘lơ̆ng hăm dôm tơdrong đei hơmet ming lơ̆m Luơ̆t pơgơ̆r Khul kơdră tơring (đei chih hơmet ming).