Tơdrong pơkăp trong sơlam lơ̆m Ving Ƀăk Ƀô̆ 'noh pơm kiơ̆ sơnong kơ Việt Nam kiơ̆ dôm Tơchơ̆t tơlĕch đơ̆ng Liên hơp kuôk gah Luơ̆t Dơsĭ sơnăm 1982 (UNCLOS) păng trŏ ƀlep hăm Luơ̆t dơsĭ Việt Nam sơnăm 2012. Trong sơlam 'măn pơkăp tơdrong să kơ đak dơsĭ Việt Nam lơ̆m Ving Ƀăk Ƀô̆ đei sơkơ̆t kiơ̆ dôm tơchơ̆t đơ̆ng UNCLOS, trŏ hăm tơring teh păng cham char kơ Ving Ƀăk Ƀô̆ păng ưh đei pơrăm truh dôm tơchơ̆t apŭng plenh teh mă Việt Nam vang pơm kiơ̆ dah mă teh đak vang jang.

Trong sơlam 'măn jô̆ tơdrong să gah đak dơsĭ Việt Nam lơ̆m Ving Ƀăk Ƀô̆ jĭ anih vă sơkơ̆t trong sơlam păng tơring đak dơsĭ kơ Việt Nam kiơ̆ dôm tơchơ̆t đơ̆ng UNCLOS păng Tơchơ̆t Klah asong Ving Ƀăk Ƀô̆ đơ̆ng Việt Nam păng Trung Quốc kĭ pơkăp ah sơnăm 2000, pơm trong pơkăp khôi luơ̆t vă vei lăng tơdrong pơgơ̆r trŏ ƀlep kơ Việt Nam, 'măn pơm jang hơtŏk mŭk drăm, vei lăng tơring đak dơsĭ păng hơtŏk jang hadoi apŭng plenh teh.