4 sơnăm kơ ou, dôm jăl pơgơ̆r tơ̆ tơring, jơnŭm tơpôl dêh char Kon Tum hlôi pơjing, pơtoi hloh 1.200 tơdrong jang tơgŭm kon pơlei kon kông. Đơ̆ng tơdrong jang ou, hơvơn đei hloh 140 tih hlj tơgŭm ăn kon pơlei hơtŏk mŭk drăm; choh hơmet var pơgar; tơroi gah khôi luơ̆t; sut hŭt lê̆ khôi kơtul chơdư...

Kiơ̆ đơ̆ng noh, tơgŭm hloh 37.300 unh hnam kon pơlei kon kông hin dơnuh, tơjê̆ hin dơnuh hŭt lê̆ khôi kơtul chơdư, băt iŏk yua khua hŏk kih thuơ̆t lơ̆m choh jang xa, hloh  4.500 unh hnam klaih đơ̆ng hin dơnuh kơjăp sơđơ̆ng. Tĭnh uy Kon Tum sơkơ̆t hơdah tơdrong đei jơnei, tơdrong gĭt kăl kơ pơtoi jang tơdrong hơvơn ou đơ̆ng rŏng kơ tơmơ̆t hơdai dêh char păng tơdrong pơkăp jơnŭm pơgơ̆r tơring 2 jăl đei tơmơ̆t pơm jang lơ̆m khei năr truh.

Tĭnh uy Kon Tum tơlĕch tơchơ̆t lơ̆m sơnăm 2025 gô tơjur kơsô̆ unh hnam kon kông hin dơnuh, tơjê̆ hin dơnuh đơ̆ng 3-4% pơtêng hăm sơnăm 2024.