Lơ̆m 4 sơnăm, dêh char Đăk Lăk hlôi asong hloh 2.100 tih hlj vă pơm jang kiơ̆ pơkăp. Mă oei lơ tơhlăk tơhlĭn, mă lei tơdrong jang hlôi đei jơnei kăp gĭt ah mă tơjur đei tong hơnê̆ kơsô̆ unh hnam hin dơnuh tơ̆ tơring kon kông, jur oei pă 13,7% ah hơtuch sơnăm 2024. Đăk Lăk hlôi tơgŭm hloh 1.000 unh hnam man hnam oei; asong ming man păng hơmet jê̆ 550 tơdrong kăl; pơih dôm jĭt lăm hŏk sut ưh kơ băt chư, pơtho tơdrong jang, hơtŏk tơdrong jang păng hơmet dôm kơjă joh ayŏ juăt jue.

Dêh char pơtruh nơ̆r hăm Jơnŭm pơgơ̆r teh đak dah hrôih asong jên hơtŏk pơm jang kiơ̆ tơchơ̆t tơlĕch, hơlen lăng tơdrong tơgŭm gah teh bơ̆ hnam, teh choh jang, đak sŏ nhă mă trŏ ƀlep hăm tơdrong kĕ đei. Đăk Lăk adoi hơmet tơchơ̆t yua jên mong asong păng jang hadoi hơbĕch hơbal hloh đơ̆ng dôm tơdrong tơchơ̆t jang kơ teh đak vă hơtŏk iŏk yua tơnăp hloh.