Tơroi tơ̆ hop akŏm, khei ‘năr  âu ki, tơdrong hơgăt, khôi luơ̆t găh teh dar dĕh mât lơ̆m tơdrong arih xa, pơm hơtŏk tơdrong đei yoa đơ̆ng vei lăng teh đak, vang tơgop atŏk tơiung mŭk drăm, tơpôl, vei lăng sơđơ̆ng teh đak păng jang tŏk pran kơjăp; hơmet pơ ‘lơ̆ng đon lui đơ̆ng kon pơlei, anih tĕch mơdro păng bơngai tơmât jên jang. Mă lei, mă tơpă oei đei lơ tơdrong pơmat tat, tơhlăk tăk nhe tơdrong tơproh trong tam mă hrơ̆ch ‘lơ̆ng...

Tơ̆ Hop akŏm, Thủ tướng Phạm Minh Chính pơma hơdăh: tơdrong jang tôch gĭt kăl vă hơmet pơ ‘lơ̆ng dôm tơdrong oei tơhlăk păng hơmet ming Tơdrong tơchơ̆t kơsô̆ 18 vă pơih trong hơmet ming, chih tơmât dơ̆ng Luơ̆t teh sơnăm 2024. Thủ tướng athei hơmet ming, chih tơmât dơ̆ng 1,2 tơdrong jang, trong jang vă hơnơ̆ng hơmet pơ ‘lơ̆ng trong pơgơ̆r vei lăng, iŏk yoa teh, lơ̆m noh tơmât dơ̆ng dôm tơdrong hơgăt vă chĕng hơmet, iŏk yoa teh. Pơ ‘nhŏ, chĕng hơmet hơdrol teh ăn tơdrong atŏk tơiung anih jang, trong nơnăm, hnam kơmăy, pơvih pơvăn, atŏk tơiung tơring kơdrâm; vei lăng ‘lơ̆ng teh rei pơtăm ƀa vă vei lăng măh mai phe xa ƀa sŏng ăn teh đak…