Trong vă pơjing Khôi luơ̆t Bơ̆ jang dăr lăng kơ Kuô̆k hô̆i păng Jơnŭm vei lăng kon pơlei hơmet ming hlôi đei hơmet ming tôm tong, tơchơ̆t hơdăh hloh dơ̆ng găh gơh jang, hơnăp jang kơ rim hơnih bơ̆ jang dăr lăng. Kiơ̆ kơ ‘noh, Khôi luơ̆t hơmet ming tơchơ̆t hơdăh bơ̆ jang dăr lăng kơ Kuô̆k hô̆i, Jơnŭm vei lăng kon pơlei kiơ̆ trong: Kuô̆k hô̆i, Jơnŭm vei lăng kon pơlei ưh pơgơ̆r hloi ăn Khul bơ̆ jang năm dăr lăng. Iung pơma tơ̆ hop akŏm, Kơdră chĕp pơgơ̆r Kuô̆k hô̆i Trần Thanh Mẫn sơkơ̆t hơdăh, tơdrong tơm bơ̆ jang dăr lăng ‘noh pơm pơkeh trong bơ̆ jang khôi luơ̆t, sơđơ̆ng bơ̆ jang ‘lơ̆ng păng atŏk jơnei bơ̆ jang kơ Khul kơdră chĕp pơgơ̆r Teh đak. Adoi pơma hơdăh kăl tơchơ̆t hơdăh tơdrong gơh jang dăr lăng kơ ƀar păh Kuô̆k hô̆i păng Jơnŭm vei lăng kon pơlei, adoi nhen ƀar păh rim khul kơdră chĕp pơgơ̆r tơring, vă veh ver hơgrop păng sơđơ̆ng jơnei.