Tơring groi kông Măng Ri (Quảng Ngãi) “hăt hot” pơm hơmet hnam oei ăn kon pơlei keh đang hơdrol kơ Têt
Thứ sáu, 10:16, 05/12/2025
Lan chih tơblơ̆
Lan chih tơblơ̆
VOV.Bahnar – Pơgê năr 4/12, tơ̆ thôn Chung Tam, Hơnih jang vei lăng kon pơlei xah Măng Ri, dêh char Quảng Ngãi pơtơm lêh iung jang kiơ̆ pơkăp “Tơdrong jang Quang Trung – Hăt hot man hnam 'nao, sơđơ̆ng tơdrong hơrih ăn kon pơlei xah Măng Ri”.
Đơ̆ng dang ei truh Têt Nguyên đán Bính Ngọ 2026, xah Măng Ri gô keh đang man 'nao 80 tŏ hnam ăn kon pơlei. Rim tŏ hnam man 'nao gô đei tơgŭm 60 triu hlj ăn 1 unh hnam păng hơvơn khul jang kơtă vang truh tơgŭm, vei sơđơ̆ng ăn kon pơlei hrôih đei hơnih oei sơđơ̆ng.
Ƀok Phạm Xuân Quang, Kơdră Hơnih jang vei lăng kon pơlei xah Măng Ri ăn tơbăt, hăm tơdrong vang jang hăt hot păng tơdrong tơguăt tơguăl đơ̆ng kon pơlei, Măng Ri gô hrôih keh đang tơdrong hơmet man 'nao hnam oei, tơgŭm ăn kon pơlei dah tom sơng Têt Nguyên đán Bính Ngọ 2026 lơ̆m tơdrong sơđơ̆ng, tơnŏ.
Viết bình luận