Kơsơ̆ brei 17/4, Anih pơgơ̆r jang sut pơđĭ Hnam hiăh hiok kơ dêh char Đắk Lắk hop akŏm hơlen năng tơdrong bơ̆ jang sut pơđĭ hnam hiăh hiok tơ̆ dêh char. Truh dang ei, lơ̆m dêh char ‘nao man đei păng pơm hơmet ming 2.400 tŏ hnam, lăp iŏk đei hlŏh 40% pơting hăm nơ̆r hơgăt đei tơlĕch.

Tơdrong tơm pơm ăn tơdrong jang hiơ̆ hyĭn ‘nŏh, yoa dôm tơdrong ƀơm truh tơ̆ teh oei ăn dôm unh hnam đei xa yoa tơdrong tơgŭm. Kiơ̆ trong jang, 7.312 tŏ hnam gô đei tơgŭm, lơ̆m noh đei 5.891 tŏ hnam man ‘nao păng 1.421 tŏ hnam vă hơmet ming, găh 4 grŭp bơngai đei: Bơngai đei kŏng hăm kăch mang; unh hnam tơnuh, vă jê̆ tơnuh kiơ̆ dôm tơdrong jang tơm kơ teh đak; păng dôm unh hnam đei lơ̆m tơdrong tơgŭm đơ̆ng dêh char.