VOV4.Bahnar - 33 ‘nu kră pơlei păng bơngai kră rơgei tơ̆ dêh char Đắk Lắk đei pôk pơ ư pơgê 5/12 hăm dôm tơdrong jơnei lơ̆m tơdrong jang “Đĭ đăng kon pơlei vang vei sơđơ̆ng teh đak” đơ̆ng 2019-2024.

VOV4.Bahnar - Tơ̆ Hop akom mă 8, Kuô̆k hôi jăl 15, gieng ou ki, rim kơdră tang măt hlôi pơma dơnuh tơ̆ hnam hop akom găh trong vă pơjing Khôi luơ̆t Thuê̆ tĕch mơdro kăl (hơmet ming). Rim bơngai tang măt oei tơtăm găh tơdrong tơchơ̆t thuê̆ tĕch răt kăl hăm đak ‘ngam, tơdrô ƀier păng hơt kơret. Kơ yuơ dôm tơmam drăm yoa đei ƀơm kơnê̆ truh jơhngơ̆m jăn.

VOV4.Bhanar - Tơ̆ tơring sơlam teh đak hơtăih hơtŏ (tơring Quang Chiểu, apŭng Mường Lát, dêh char Thanh Hóa) đei 1 lăm hŏk gĭt kăl, đei pơgơ̆r lăp đơ̆ng rŏng sŏng sa tơ̆ gơmăng păng pơtôch lơ̆m vă jê̆ tŏk bŏk măng. ‘Nou jĭ lăm hŏk tôch gĭt kăl, kơ yuơ dôm bơngai hŏk ‘noh jĭ dôm bơngai ‘lŏ kră, kơ yuơ đei lơ tơdrong phara dih băl kơna ưh kơ gơ̆h năm hŏk kơna pơm ăn ưh kơ băt kơ chư. Păng lăp mưh kang ƀô̆, ƀô̆ đô̆i Đoàn Kinh tế Quốc phòng 5 (Quân khu 4) truh chă pơrô̆ pơrôp, pơ̆ih lăm sut sa ưh kơ băt kơchư ou ‘noh kon pơlei lơ̆m pơlei chơt hơ iă ‘nă hal vang năm hŏk pơhrăm.

VOV4. Bahnar - Dêh char tơlĕch jang xut xa hloh 3.000 pơbŭng hnam pơgia, hnam hnăt hnot kơ rim bơngai đei iŏk yua ăn kech mang, ŭnh hnam dơnuh păng vă jê̆ dơnuh.

VOV4.Bahnar - Pơgê 26/11, Quốc hội pơma nuh găh dôm hla ar chih tơroi tang găn yoch, pơm kiơ̆ nơ̆r sek phak păng sek tơlang kiơ̆ nơ̆r athei đơ̆ng bơngai tăh hla.

VOV4.Bahnar – Năr ‘nâu (25/11) Quốc hội mât lơ̆m giĕng bơ̆ jang mă hơtuch. Năr ‘nâu dôm bơngai tang măt pơma nuh tơ̆ Hnam hôp găh Luơ̆t hơmet ming, chih tơmât dơ̆ng 1,2 tơdrong lơ̆m Luơ̆t Kuang kăo.

VOV4.Bahnar - Blŭng giĕng ou ki, Kuô̆k hô̆i pơgơ̆r hop akŏm mă 2 ‘măng ‘hop akŏm mă 8, Kuô̆k hô̆i jăl XV akŏm pơma dơnuh găh Khôi luơ̆t Ƀok thây kô pơtho. Rim kơdră tang măt drơ̆ng mĭnh nơ̆r kơtang hăm tơdrong kăl đei pơjing Khôi luơ̆t Ƀok thây kô pơtho vă pơm pơkeh khôi luơ̆t găh ƀok thây kô pơtho, adoi đei trong jang tơgŭm djru vă tơ iung pơjing păng atŏk tơ iung khul ƀok thây kô; hơmet pơ ‘lơ̆ng dôm tơdrong tim mă lăp lơ̆m bơ̆ jang teh đak vei lăng ƀok thây kô hrei ou.

VOV4.Bahnar - Tơbăt 80 sơnăm năr pơjing Khul Ƀô̆ đô̆i kon pơlei Việt Nam, pơ đĭ khul ƀô̆ đô̆i hlôi păng tŏk bŏk đei lơ tơdrong jang gĭt kăl. Lơ̆m ou đei tơdrong tơlĕch jang tơ iung pơjing hơnih jang kơkuh chơt hơ iă păng tơgŭm kon jên hu ming man hnam ăn bôl boăl, hnam ‘mêm mơnat.

VOV4.Bahnar - Năr 20/11, ƀlep lơ̆m jơ ‘năr Tơbăt Năr Ƀok thây kô Việt Nam, ‘Măng hop akŏm mă 8, Kuô̆k hô̆i jăl XV akŏm pơma dơnuh găh Khôi luơ̆t Ƀok thây kô pơtho.

VOV4. Bahnar - Lơ sơnăm ou ki, tơdrong atŏk tơ iung mŭk drăm lơ̆m bri kơdrơ̆ng tơ̆ Tây Nguyên tim gan kơtang kơ yuơ tơhlăk tơhlĭn hăm rim tơdrong tơchơ̆t khôi luơ̆t, mă đơ̆ng tơring ou đei hơgăt teh bri să vă jê̆ 2 triu 600.000ha. Khôi luơ̆t Groi teh 2024 hăm rim tơdrong pơkăp pơjing đei tơdrong tơchơ̆t ‘lơ̆ng ăn rim tơring hơmet pơ ‘lơ̆ng tơnap tap, pơih trong ăn iung jang atŏk tơ iung mŭk drăm lơ̆m bri kơdrơ̆ng.