VOV4.Bahnar – Kơsơ̆ năr 3/4, Khul jang hơlen kơ Anih jang Kuôk hô̆i hlôi pơm jang hăm Anih jang vei lăng kon pơlei dêh char Đăk Lăk gah tơdrong pơm kiơ̆ tơchơ̆t, khôi luơ̆t hơtŏk tơ-iung păng iŏk yua bơngai jang pơtrŏ hăm tơdrong tơchơ̆t hơtŏk mŭk drăm – tơpôl.

VOV4.Bahnar - ‘Năr 31/3, tơ̆ pơlei tơm Nha Trang, dêh char Khánh Hòa pơgơ̆r “Hop akŏm lơ̆m teh đak vei kơjăp, tơlĕch jang 1,2 hla ar đơ̆ng Ban Bí thư găh tơdrong jang vei lăng hơdrĕch kon kông, lui khop”.

VOV4.Bahnar – Tơ̆ xah Đăk Blà, pơlei tơm Kon Tum, dêh char Kon Tum, Anih tơm Kŏng an 'nao jang atŭm hăm dêh char Kon Tum pơgơ̆r Lêh iung jang tôm kon pơlei vang sut lê̆ hnam pơgia, hnam hyah hyok lơ̆m dôm dêh char tơring Tây Nguyên.

VOV4.Bahnar - Giĕng ou ki, tơ̆ Hnam Kuô̆k hô̆i pơgơ̆r Hop akŏm kơdră tang măt ‘măng mă 7, vă pơma dơnuh găh rim tơdrong vă jang Khôi luơ̆t pơtruh ăn Kuô̆k hô̆i ‘măng mă 9, Kuô̆k hô̆i jăl XV. Tơ̆ hop akŏm, rim kơdră tang măt Kuô̆k hô̆i hlôi akŏm pơma dơnuh tôm tong, trŏ ƀlep dôm tơdrong mă bơngai tăh hla păng on pơlei lăng truh, lơ̆m ou đei dôm tơdrong tơchơ̆t kơ khôi luơ̆t lơ̆m chăl tơplih kơsô̆.

VOV4.Bahnar - Truh ‘năr 23/3, dêh char Kon Tum hlôi jang kiơ̆ man ‘nao păng pơm hơmet ming đei 1.643 tŏ hnam lơ̆m akŏm đĭ đăng kơsô̆ 2.752 tŏ hnam kăl kơ pơm hơmet kơjăp ‘lơ̆ng. Đĭ đei apŭng lơ̆m dêh char jang vă jê̆ đang sut hnam pơgia, hnam hiah hiok ăn kon pơlei.

VOV4.Bahnar - Giĕng ou ki, tơ̆ Hnam Kuô̆k hô̆i hlôi pơgơ̆r Hop akŏm “Kuô̆k hô̆i kơsô̆ păng jang kiơ̆ kmăi kmŏk gơh hơgei lơ̆m jang tơplih kơsô̆ kơ Kuô̆k hô̆i”. Hop akŏm tơbăt hơdăh iung jang đĭ ai đơ̆ng Kuô̆k hô̆i lơ̆m atŏk kơtang jang kiơ̆ kmăi kmŏk gơ̆h hơgei vă pơm hơtŏk bơ̆ jang ‘lơ̆ng, jơnei, trŏ lăp hăm atŏk tơ iung kơ teh đak lơ̆m chăl hle, chăl atok tơ iung kơ hơdrĕch hơdrung. 

VOV4.Bahnar - Dôm năr ou ki, rim tơring lơ̆m dêh char Dak Nông hlôi iung jang ming man mơjĭt pơbŭng hnam tơgŭm ăn kon pơlei ŭnh hnam tơnap tap. Dêh char Dak Nông hơdrin truh khei 9 kơnh gô jang keh đang xut xa 540 hnam pơgia, hnam hnăt hnot.

VOV4.Bahnar - ‘Năr 20/3, tơ̆ apŭng Krông Pach, Đắk Lắk, pơgơ̆r “Hop akŏm drŏ kăn hăm khôi luơ̆t yoa tơdrong sơđơ̆ng ăn đe drŏ kăn păng hơioh”.

VOV4.Bahnar - Đơ̆ng rŏng hlŏh 2 giĕng tơlĕch jang sut pơđĭ hnam hiăh hlok, dêh char Đắk Lắk man hlŏh 1.000 tŏ hnam, tơchĕng adrol gô man đang lơ̆m khei 4 truh âu kơnh.

VOV4.Bahnar - Hăm lơ trong jang opăng gơnơm iŏk đei tơdrong tơgŭm tôch pơneh đơ̆ng tơpôl, truh đĭ giĕng ‘nâu dêh char Kon Tum sut đei hlŏh 1 puăt kơsô̆ hnam hiăh hiok bơih.