Thơ thou jơhngơ̆m jăn grăng pran hăm đe linh jĭ rơka, Kơdră Anih jang Măt trâ̆n tôh kuôk Việt Nam Đỗ Văn Chiến  sơkơ̆t hơdah, dôm sơnăm ou ki, Đảng păng Teh đak hơnơ̆ng tơrĕk kăp gĭt hăm đe linh jĭ rơka, unh hnam mă teh đak tơchơ̆t tơgŭm, bơngai tơgŭm jơhngơ̆m ăn kăch mạng.

Ƀok Đỗ Văn Chiến hơpơi 'meh đe linh jĭ rơka hơnơ̆ng vei đon lui kơjăp, hơrih sô̆ hơ-iă, grăng pran; pơtoi iŏk yua sơnong tơnăp, trŏ hăm hơnăn Ƀô đô̆i Ƀok Hô, yuk hơlou, hơlêm pơtho kon sou hơdrin pơjing unh hnam jơnap, atŭm jơhngơ̆m kơyuơ tơdrong hơtŏk tơ-iung kơ pơlei tơm Hải Phòng păng teh đak.