Kơsơ̆ năr 30/7, tơ̆ phương Pleiku, dêh char Gia Lai, Hơnih tơm Kŏng ang hlôi pơgơ̆r hop akŏm pơtôch tơdrong jang “Xut xa hnam pơgia, hnam hnăt hnot” lơ̆m rim dêh char Tây Nguyên sơnăm 2025. Đơ̆ng blŭng sơnăm 2025 truh dang ei, khul Kŏng ang hlôi tơlĕch ming man ‘nao păng ming hơmet 6.370 pơbŭng hnam ăn ŭnh hnam dơnuh, vă jê̆ dơnuh tơ̆ rim dêh char Gia Lai, Lâm Đồng păng Quảng Ngãi. Hăm akŏp kon jên tơgŭm djru vă jê̆ 355 ti hlak jên, tơdrong jang hlôi pơjing ăn rơbou ŭnh hnam đei rơvơn hơrih sa sơđơ̆ng, tơgop gĭt kăl lơ̆m pơm sơđơ̆ng păng atŏk tơ iung mŭk drăm-tơpôl tơrintg Tây Nguyên. Tơ̆ dêh char Gia Lai, tơdrong jang hlôi đei iung jang kơtang lang să đơ̆ng kang ƀô̆, kŏng ang dêh char, hăm hloh 5 ti 400 triu hlak jên đơ̆ng chă tơra tơgop jên khei, chă hơvơn đei 2 ti 780 triu hlak jên atŭm hăm rơbou tân tơmam drăm ming man đơ̆ng kon pơlei vang tơgŭm ăn. Lăp lơ̆m mĭnh ƀar khei, vă jê̆ 6.400 pơbŭng hnam ‘lơ̆ng liĕm hlôi đei khul Kŏng ang rim hơnih tơ iung pơjing ming man tơ̆ rim pơlei pơla Tây Nguyên, hơnhăk đei jơhngơ̆m đon chơt hơ iă, tơdrong tơplih kơtang lơ̆m rim ŭnh hnam.